Ribadeo, 30 de marzo de 2023. O Concello coloca nova sinalización dos topónimos nas parroquias ribadenses. Destes traballos estase a encargar a Brigada Municipal de Obras estes días.
O concelleiro de Medio Rural, Marcos Villamil, contou que “estamos nestes días coa Brigada Municipal de Obras procedendo a unha colocación de nova sinalización dos topónimos parroquiais para mellorar e reforzar os nomes dos núcleos, tanto para os veciños e veciñas do concello, como para evitar perdas innecesarias da xente que vén de fóra”.
O edil nacionalista explicou que “estes traballos, que se prolongarán nas próximas semanas, afectan a todas as parroquias, aínda que especialmente ás da costa, onde máis construción se ten producido nas últimas décadas. Estes necesarios traballos, no que o material subministrado ascende a 15.000 euros de fondos propios municipais, teñen sido demandados amplamente pola cidadanía por varios motivos: a cartelería dos nomes de lugar é unha sinalización que xa ten unha chea de anos e nalgúns casos atópase moi deteriorada, ou noutros casos xa é inexistente; e tamén, nos últimos tres anos, por mor de todo o cambio de numeración que tivemos que facer en moitos núcleos rurais e urbanos para cumprir coas esixencias do servizo de Correos e Telégrafos, a fin de que puideran chegar correctamente as cartas, faise necesario sinalizar exactamente os núcleos de poboación, tal e como están detallados no vixente Plan Xeral de Ordenación Municipal”.
Villamil dixo que “isto supuxo que nas parroquias que foron tendo unha maior intensidade de construción de vivendas nas últimas décadas, os núcleos fóronse xuntando uns aos outros, o que ás veces facía difícil chegar a identificar oportunamente en que núcleo se situaba unha vivenda”.
O concelleiro de Medio Rural engadiu que “agora, coa corrección destas deficiencias, delimitarase exactamente onde empeza e remata cada núcleo de poboación das parroquias ao tempo que se aproveitará para mellorar o resto de cartelería”.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
