A formación nacionalista tamén esixirá á Xunta de Galicia que amplíe as axudas relacionadas cos danos do lobo
Lugo, 27 de marzo de 2023. O BNG defenderá no pleno provincial deste martes 28 de marzo iniciativas de apoio á pesca e á gandeiría.
A formación nacionalista presentará unha moción na que esixe ao goberno do Estado a retirada inmediata dos Plans de Ordenación do Espazo Marítimo (POEM), cos que pretenden instalar en Galiza o 43 por cento da eólica mariña prevista para todo o Estado a costa da actividade pesqueira e dos ecosistemas mariños.
O BNG apela aos grupos provinciais de PSdG e PpdG, sinalando que “a nosa obriga é defender a pesca, un sector do que viven, directa ou indirectamente, moitos dos nosos veciños e veciñas, e non podemos permitir que as eléctricas fagan caixas cos nosos recursos naturais deixando sen medio de vida á xente do mar”, explicou o voceiro nacionalista Efrén Castro.
“No BNG insistimos na necesidade de implantar enerxías renovábeis e avanzar cara unha economía libre de carbono, pero este tránsito non se pode facer a costa de arrasar cun sector pesqueiro cun peso moi relevante na economía da comarca da Mariña, especialmente en concellos como Burela ou Viveiro”, engadiu.
A moción pide a populares e socialistas volver ao consenso acadado no Parlamento galego en 2009 para deixa Galicia libre de eólica mariña e preservar o sector pesqueiro.
Axudas para de prevención e indemnización polos danos do lobo
O BNG tamén reclamará á Xunta de Galicia, a través doutra moción, que amplíe a partida destinada ás axudas destinadas a medidas de prevención e indemnización por danos do lobo ao gando ata os 4,3 millóns de euros.A deputada nacionalista e responsable de Medio Rural Mónica Freire explicou que “esa é a contía de fondos estatais que correspondería a Galiza en función da Estratexia do Lobo e que o goberno galego non solicitou para manter un enfrontamento partidista co goberno do Estado que penaliza a gandeiros e gandeiras”.
Nese sentido, lembrou “incluso outros gobernos autonómicos do Partido Popular, que manteñen tamén posicionamentos contrarios aos do Ministerio de Transición Ecolóxica, solicitaron eses fondos para medidas de prevención e indemnizacións”.
Ademais dese incremento na contía total, a moción insta a Xunta de Galicia a adaptar a orde de axudas as necesidades reais das gandeirías, actualizando os prezos de valoración das indemnizacións que seguen a ser os de 2016 ou das axudas á construción de peches fixos e outras medidas preventivas.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
