Ribadeo, 29 de marzo de 2023. O Concello de Ribadeo, a través da Área de Desenvolvemento Local, pon novamente en marcha un curso preparatorio para os exames de Competencias Clave de Nivel 2, que se celebrarán no recinto reiral de Silleda o próximo mes de maio.
O edil ribadense Pablo Vizoso dixo que “as materias a impartir serán as de Competencia matemática Nivel 2, Comunicación en Lingua Castelá Nivel 2 e Comunicación en Lingua Galega Nivel 2”.
O concelleiro de Desenvolvemento Local indicou que “esta acción formativa, que impartirá o Concello con cargo a fondos propios, vai dirixida ás persoas que estean matriculadas nas materias anteriores para os exames do 20 de maio”. No caso de que non se cubriran as prazas dispoñibles poderían inscribirse todas aquelas persoas que desexen xa iniciar a preparación para as próximas probas, que a Consellería de Promoción do Emprego e Igualdade convocará previsiblemente no ano 2024.
Vizoso Galdo manifestou que “é frecuente que dende a Área de Desenvolvemento Local se detecte a necesidade de formación en Competencias Clave, debido a que a maior parte desta formación para o emprego se estrutura en Certificados de Profesionalidade, na súa maioría de Nivel 2. Para o acceso a este nivel é preciso contar cunha formación mínima de Educación Secundaria Obrigatoria (ESO) ou equivalente”.
O concelleiro ribadense manifestou que “impartir esta formación en Competencias Clave pode contribuír considerablemente na mellora do acceso á formación ocupacional e ao emprego das persoas desempregadas do Concello de Ribadeo que non teñen os estudos requiridos ou non puideron homologar a súa formación”.
E engadiu que “a inscrición para participar neste curso preparatorio estará aberta ata o 11 de abril. Para inscribirse é necesario acudir ás oficinas do Concello e cubrir o impreso de solicitude que se facilitará nas dependencias municipais. Nestes cursos preparatorios poderán participar as persoas residentes en Ribadeo e que estean matriculadas nas materias anteriores para os exames a celebrar neste ano 2023. As prazas adxudicaranse por orde de inscrición. As clases impartiranse nas aulas do Concello de Ribadeo, do 12 de abril ao 19 de maio, en horario de 10 a 13 horas. As persoas interesadas en obter máis información poden poñerse en contacto con este servizo a través do teléfono 982 128 650 ou do correo electrónico orientacionlaboral@ribadeo.org”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
