Burela, 16 de marzo de 2023. O Consello Galego de Pesca reunirase en Burela o 11 de maio. Será dentro da programación da XIX Feira Náutico Pesqueira Expomar na que a organización segue a traballar, segundo informou hoxe o alcalde, Alfredo Llano.
O rexedor contou que “nas últimas horas reunímonos o comité executivo de Expomar, xa que nos estamos achegando á data da feira exposición, que será do 10 ao 13 de maio e temos que darlle prontitude e ir vendo e asegurando que sexa un evento de categoría tal e como se merece o sector náutico pesqueiro”.
Llano dixo que “estivemos a falar da inauguración, que será o 10 de maio ás doce do mediodía. Agardamos contar coa presenza da conselleira de Mar, Rosa Quintana, aínda que nos próximos días confirmaremos o peche de todos estes flocos. Tamén teremos ese mesmo día xuntanza do Consello Galego de Pesca, que sempre é importante que veñan aquí a debater e a formar parte deste ambiente da Feira Expomar. O 11 de maio será o Encontro Empresarial, onde o sector se manifesta e se ven os temas que lles preocupan. Sempre é moi interesante o seu debate así como as conclusións finais que sacan para ter en conta para o futuro”.
O presidente da Fundación Expomar e alcalde burelés seguiu a relatar que “ese mesmo día teremos tamén a primeira xornada técnica na que se abordarán temas que lle interesan moito ao sector, agora mesmo estamos definindo e vendo os poñentes para que sexa o máis completa e interesante posible. O 12 de maio será a segunda xornada técnica, na que hai temas máis abertos, máis de interese para a poboación en xeral”.
Alfredo Llano engadiu: “xa temos practicamente ultimada a colocación dos stands. Neste ano hai unha ampliación da superficie destinada á feira nuns 800 metros con respecto ao que é a nave de redes, imos darlle amplitude á Feira Expomar neste 2023 para facilitar que asistan máis empresas e representantes do sector náutico pesqueiro. Como na edición de 2019, que foi a última, xa vimos que o éxito foi tan importante e que moitas firmas se comprometeron a volver e quixemos así con esta ampliación que sexa un escaparate extraordinario para expresarse. En total estamos a falar duns 5.000 metros de superficie destinado á Feira Expomar e agardemos que dea un bo resultado”.
O alcalde de Burela engadiu: “quedamos en manter unha nova xuntanza do comité executivo de Expomar cara finais de mes, o 27 ou 28 de marzo, para pechar os detalles, concretar os temas que se abordarán nas xornadas técnicas e que todo estea listo”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
