José Manuel Balseiro apuntou a necesidade de impulsar un plan para electrificar a totalidade da liña entre Ribadeo e Ferrol, así como o incremento das frecuencias
Compostela, 8 de marzo de 2023. O Pleno do Parlamento de Galicia aprobou hoxe por unanimidade a proposición non de lei do Grupo Popular a través da que se pide ao Goberno de España que cuantifique o retraso concreto que sufrirá a renovación da frota da liña ferroviaria de ancho métrico que opera en Galicia e que se outorgue á Comunidade galega as mesmas compensacións anunciadas para Asturias e Cantabria para minimizar os prexuízos derivados da renovación dos trens desta liña ferroviaria, asegurando aos usuarios a gratuidade do servizo, canto menos, ata 2026. Así mesmo, demándase o impulso dun plan para electrificar a totalidade da liña de ferrocarril de ancho métrico que opera en Galicia e se acompañe a necesaria modernización do material rodante desta liña entre Ferrol e Ribadeo co incremento de frecuencias.
O portavoz popular de Infraestruturas, José Manuel Balseiro, lembrou que “a finais do pasado mes de xaneiro saltaban todas as alarmas cando Renfe seguía sen recibir ningún dos 31 novos trens, encargados hai tres anos, para renovar a frota ferroviaria da rede de ancho métrico e poucos días despois coñecíamos que as características técnicas destas novas unidades tiñan un erro de cálculo dos gálibos e non collían polos túneles presentes no percorrido”.
“Esta chapuza é un claro síntoma do desprezo e do abandono do Goberno de Pedro Sánchez ás nosas infraestruturas, que traerá aparellada a perda de milleiros de cartos públicos e o retraso, durante polo menos tres anos, do compromiso para a modernización do material rodante da antiga Feve”, indicou Balseiro.
COMPENSACIÓNS
Diante desta situación, o portavoz popular manifestou que “queremos que se cuantifique o retraso concreto que sufrirá a renovación da frota da liña ferroviaria de ancho métrico que opera en Galicia e que se garanta que os novos trens cumpran cos requisitos de deseño interior, confort e moderna tecnoloxía inicialmente previstos, sen perda algunha das condicións de calidade”.
“Ademais, pedimos que o Goberno de Pedro Sánchez incorpore a Galicia nas compensacións que prometeu a Asturias e Cantabria polo atraso na posta en servizo dos novos trens de Feve, compensacións que se traducirán na gratuidade do servizo ata que cheguen as novas unidades”, apuntou José Manuel Balseiro. Así, dixo que “o contrato errado deses trens de ancho métrico afecta tamén á liña entre Ribadeo e Ferrol, pero o desprezo do Ministerio a Galicia chega ata tal punto que nin tan sequera convocou á Xunta á reunión mantida cos gobernos de Asturias e Cantabria para abordar o problema e agora pretende deixarnos fóra das compensacións”.
José Manuel Balseiro afirmou que “o Goberno central está obrigado a corrixir o enorme déficit e facer que se cumpran as melloras técnicas, organizativas e de dotación persoal precisas para garantir o axeitado funcionamento deste servizo ferroviario, porque a realidade é que o funcionamento dos trens de Feve non deixou de deteriorarse desde que Pedro Sánchez accedeu á Presidencia do Goberno”.
Por último, o portavoz popular apuntou que “queremos que se impulse un plan, cos investimentos precisos, para electrificar a totalidade da liña de ferrocarril de ancho métrico que opera en Galicia, nun prazo razoable de tempo e coas condicións que permitan un tráfico mixto de viaxeiros e mercadorías”. “Porque pola liña que une Ribadeo e Ferrol só poden circular trens híbridos, xa que non está electrificada a pesar de que Pedro Sánchez o prometera no seu momento pero aínda non cumpriu o compromiso con esta infraestrutura”, lamentou.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
