Ribadeo, 15 de marzo de 2023. A coordinadora de promoción local dos populares ribadenses, Marta Saiz, sinala que “a actitude deste goberno do BNG deixa ben claro que actúan por simple electoralismo”. Nese sentido, denuncia “catro anos de sesta permanente, catro anos a rebufo, catro anos prometendo sen ningún tipo de planificación nin de xestión. Só para facer que fan, pero sen feitos concretos”.
A popular pregúntase “cantas veces escoitamos prometer o arranxo das rúas peonís que, por certo, se converteron xa nun perigo para os peóns. Todo quedou en nada. Todo o anunciado quedou nun simple escudo que nin se ve”, afirma.
Por outra banda, sinala que “agora, de repente, apareceu un orzamento para arranxar, parece ser, o Forte de San Damián cando este grupo municipal leva catro anos reivindicando este arranxo. Sorprende agora un convenio coa Deputación e tamén sorprende bastante que ninguén desta administración dixera nada ao respecto”.
Saiz engade que “anunciaron e anuncian unha morea de inversións cando aínda non cumpriron o prometido fai tempo”. Nese sentido, pregúntase “que pasa coa praia do Cargadeiro. E que pasa coas carreteras da Deputación? Que Dios nos colla confesados se pasa nas doutras administración porque xa estarían as pancartas por aí polas rúas”. Falando da estrada de Vilela, a popular cre que o arranxo debería “continuar ata Vilela co pavimento e co pintado”. Sobre a carretera que pasa por Arante e tamén a que pasa por Santalla, pregúntase por que o goberno local do BNG non lle esixe á Deputación o seu arranxo”.
A popular continúa a enumerar os incumprimentos do actual goberno: “o campo de fútbol de Outeiro na Devesa ou o hangar de piragüismo que da pena velo. Prometen e prometen, pero nada”. É tamén o caso da rúa Manuela Barreiro Pico; a rúa Rodríguez Murias en Rinlo; os lameiros que o goberno local decidiu chamar aparcadoiros pero que de aparcadoiros teñen moi pouco”.
Saiz que asegura que “o goberno do BNG acumula unha serie de promesas sen cumprir e aínda seguen prometendo”. Nese sentido, insiste en que “o pouco que fixeron foi por presión veciñal e deste grupo municipal”. Así mesmo, non entende “que prometen se aínda teñen todo sen rematar. Non remataron nin a que venderon como obra do mandato: a pista multideporte -máxima en tempo, mínima en dimensións-”.
É por iso polo que a popular se pregunta “a quen queren enganar, se levan catro anos a rebufo, sen organización ningunha e sen ningún tipo de planificación e, por riba, obstaculizando a inversión doutras administracións. Non gasten enerxía en prometer porque os veciños xa perderon a confianza”, conclúe.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
