Lembra que nos lugares onde foron instalados parques eólicos mariños o resultado foi “nefasto” e volveu a reclamar que Galiza sexa un “territorio libre de eólica mariña”
Santiago de Compostela, 11 de marzo, 2023. A portavoz nacional do BNG, Ana Pontón asistiu á concentración convocada pola Plataforma en Defensa da Pesca e contra o plan do Goberno español de instalar parques eólicos nas costas galegas.
A líder do BNG criticou a conivencia da Xunta e o Goberno do Estado sobre o deseño eólico mariño e asegurou que o novo POEM asestará “un golpe mortal” á pesca e marisqueo coa única razón de seguir beneficiando ao lobby eléctrico para que siga “facendo caixa”.
Non podemos permitir que isto ocorra, recalcou, o novo Plan de Ordenación do Espazo Marítimo (POEM) debe ser retirado de inmediato. O BNG está hoxe nesta concentración para apoiar ao sector pesqueiro e marisqueiro galego, para defender o futuro de miles de familias neste País que viven do seu traballo no mar e que teñen dereito a poder seguir vivindo desa actividade.
“Por iso o BNG está aquí, para apoiar ao noso sector pesqueiro e marisqueiro, á xente que vive do mar fronte á rapiña do lobby eléctrico que quere facer caixa co noso vento, na terra e agora tamén no mar”.
Neste momento, dixo a nacionalista, o Goberno do Estado, co silencio cómplice do Goberno da Xunta, pretende instalar o 43% da eólica mariña nas costas galegas. Estamos falando de 2.200 quilómetros cadrados de costa para a eólica mariña, “o 43% do total de todo o Estado” coa perda de miles de postos de traballos directos e indirectos nun sector estratéxico para Galiza.
Segundo os datos solicitados pola Xunta ao departamento de Economía aplicada da USC do ano 2019, explicou, “ a pesca representa case o 2% de todo o PIB de Galiza e 31.000 postos de traballo directos”. Se nos referimos ao sector do mar (pesca, marisqueo, miticultura, piscicultura e conserva) esta cifra hai que incrementala porque supón “o 4,8% do PIB galego, cunha facturación de cerca de 12.000 millóns de euros e 64.000 postos de traballo directos”.
Isto é do que estamos falando, isto é o que está en xogo cos plans de eólica mariña anunciados polo Goberno central e insistiu en que xa temos un país cheo de encoros, 4.000 muíños de vento nos nosos montes e proxectados moitos máis. E agora, queren que soportemos “case a metade de todos os aeroxeneradores da eólica mariña”
Galiza non é a colonia enerxética de Madrid
“Xa está ben. Xa está ben de espolio eólico, xa está ben de querer converter Galiza nunha colonia enerxética de Madrid. Xa está ben que Galiza, o noso monte a agora o noso mar, teña que pagar todos os costes ambientais, os custes económicos e sociais de producir enerxía e non recibir nada a cambio” enfatizou a portavoz nacionalista.
Desde o BNG sumámonos ás peticións do sector pesqueiro galego que se está xogando o seu futuro e solicitamos: Retirar, de inmediato, os plans de eólica mariña do Goberno central. Declarar a costa galega zona excluída de eólica mariña, para garantir o futuro do sector pesqueiro, porque as características da plataforma continental galega fan que “ a pesca e a eólica mariña sexan incompatibles” e dada esta incompatibilidade, “preservar os sector pesqueiro e as miles de familias que viven no mar”
A portavoz nacionalista, tamén reclamou que o Parlamento galego retorne ao consenso unánime de 2009, para deixar “Galiza libre de eólica mariña” porque esa petición sigue sendo igual de válida.
Non pode ser que a aposta polas enerxías limpas,” que o BNG apoia totalmente”, se faga a costa de destruír os nosos sectores produtivos.
Indemnizacións ao sector a cambio de instalar eólicos no mar?
O propio sector (a través do presidente das confrarías) deixou claro que o sector non se vende por subvencións e que o que quere e seguir traballando, puntualizou.
Na concentración a favor da Pesca e contra o espolio eólico mariño, Pontón participou xunto á eurodeputada, Ana Miranda, Néstor Rego, deputado no Congreso, a deputada e portavoz de pesca nacionalista, Rosana Pérez, a deputada, Mercedes Queixas e o portavoz municipal, Francisco Jorquera ademais de membros da Executiva Nacional do BNG e candidaturas pola provincia de coruñesa.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
