Viveiro, 24 de marzo de 2023. O Concello de Viveiro súmase mañá, sábado, á iniciativa “A hora do Planeta” da Asociación WWF (Fondo Mundial para la Naturaleza) que convida a apagar o alumeado de edificios públicos e monumentos emblemáticos co obxectivo de demostrar que frear e reverter a perda de biodiversidade e reducir á metade as emisións de C02 para 2030 é posible.
O goberno municipal adhírese a este movemento global apagando as luces da Porta de Carlos V e da Ponte da Misercordia entre as 20:30 e as 21:30 horas.
“Dende o Concello de Viveiro unímonos a este xesto simbólico que quere chamar a atención sobre o problema do cambio climático e nos recorda que vivimos nun estado de emerxencia planetaria ao que debemos dar solución entre todos”, afirma a alcaldesa de Viveiro, María Loureiro. “Por iso convido tamén aos veciños e veciñas da vila a que se sumen nas súas casas a esta Hora do Planeta”, engade.
Baixo o lema deste ano, “Apaga la luz. Dale una vuelta al Planeta”, a Hora do Planeta 2023 volverá a converterse, como nos últimos 17 anos, na maior mobilización global na defensa do medio ambiente.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
