Os populares lembran que asturianos e cántabros están exentos de pagar os billetes, que en Galicia hai que seguir abonando, desde que se soubo que o Ministerio encargou trens que non collen nos túneles
Lugo, 24 de abril de 2023. O Goberno central marxina a Lugo en practicamente todo o que ten que ver con infraestruturas e mobilidade, e unha boa demostración de que é así é que os billetes de FEVE están totalmente bonificados para asturianos e cántabros pero non para os galegos, concretamente para os veciños da Mariña. O PP presentará na Deputación unha iniciativa para intentar cambiar este estado de cosas e espera que, por unha vez, o goberno provincial dea o seu apoio. Iso a pesar de que, como sinala o portavoz provincial, Javier Castiñeira, “na Mariña sabemos da nula influencia que ten José Tomé, presidente da Deputación de Lugo, sobre as decisións do Goberno central; sabemos que Tomé actúa como representante da delegación do Goberno na provincia e fai máis labor para xustificar as decisión que van en contra da provincia de Lugo que para velar polos seus intereses”.
Castiñeira explica: “O grupo provincial do PP levará ao pleno que celebrará mañá a Deputación unha moción instando ao Goberno central a que trate por igual aos veciños da Mariña, de Galicia, con respecto aos de Asturias e Cantabria, que teñen o tren, o FEVE, bonificado na súa totalidade”.
Os populares lembran que a bonificación dos billetes foi unha medida adoptada polo Goberno “despois da metedura de pata do Ministerio de Transporte que encargou trens que non collen polo túneles”. A bonificación foi “para tratar de calar as críticas” pero só beneficiou a asturianos e cántabros. “O mínimo que deben facer os socialistas de Lugo é reclamar o mesmo para os veciños da Mariña”, sinala o portavoz popular.
Javier Castiñeira di: “Xa estamos fartos de infraestruturas con problemas: a N-642 chea xa de fochancas, cun socavón importante que marca a mobilidade de todos os mariñáns, e sen nada feito para a autovía A-74, para a que non se moveu un camión de terra en catro anos. Esperemos que neste último pleno, os socialistas non fagan o mesmo de sempre, que é esconderse ou xustificar decisións de Sánchez en contra da mobilidade dos lucenses, neste caso, por tren, dos veciños da Mariña e do resto dos usuarios”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
