Está a piques de rematar o mandato municipal que empezou en 2019 e agora é o momento de facer balance do que ocorreu na corporación de Ribadeo durante estes catro anos.
Os representantes do Partido Socialista fixemos unha oposición seria, sensata e construtiva, presentando iniciativas (mocións, rogos e preguntas) con propostas en positivo e tamén con críticas o ao goberno local cando era oportuno. Este labor levámolo a cabo nos órganos da corporación municipal, que é onde corresponde, porque a nosa intención é mellorar Ribadeo e que avance. Non nos dedicamos, como si fixeron outros, á crítica destrutiva a través dos medios de comunicación que, coa intención de intentar desgastar ao goberno municipal, o que conseguiu en moitas ocasións foi deteriorar a imaxe de Ribadeo e polo tanto prexudicar ao seu sector hostaleiro e comercial.
Ocupámonos de xestionar ante outras entidades, como as que dependen da Deputación de Lugo e do Goberno de España, numerosas e importantes actuacións que contribuíron a mellorar Ribadeo en diferentes aspectos: estradas, praias, axudas a diferentes colectivos, etcétera. Non nos dedicamos, como si fixeron outros, a vender fume e a propiciar enfrontamentos doutras administracións co Concello de Ribadeo, situación que prexudica aos nosos veciños e veciñas.
Non entramos nas pelexas entre algúns profesionais da política que houbo durante este mandato no Concello de Ribadeo; continuas liortas, moitas veces con sobreactuacións, que non aportan nada positivo aos ribadenses e que lles fan sentir vergoña ao ver a algúns dos seus representantes escenificando eses papeis tan pouco edificantes.
Os socialistas estamos orgullosos do noso traballo porque sempre fixemos o que consideramos que era mellor para o conxunto dos ribadenses.
Marta Rey (voceira do PSOE no Concello de Ribadeo)
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
