As estatísticas reflicten unha tendencia favorable na evolución da seguridade en Ribadeo, cunha taxa de criminalidade do 16,41%, 8 puntos menos que a media da provincia, unha das máis seguras de España
Ribadeo, 19 de abril, 2023. A subdelegada do Goberno en Lugo, Isabel Rodríguez, copresidiu hoxe, xunto co alcalde de Ribadeo, Fernando Suárez, a Xunta Local de Seguridade que analizou a situación da seguridade cidadá e na que se constatou unha tendencia á baixa na delincuencia neste concello. Na xuntanza, celebrada esta mañá na Casa do Concello participaron, ademais da subdelegada do Goberno e o alcalde, responsables de Seguridade do Concello, da Garda Civil e o Subsector de Tráfico, a Policía Local e a Policía Autonómica.
As estatísticas da Garda Civil reflicten unha tendencia favorable na evolución da seguridade en Ribadeo, concello que tivo en 2022 unha taxa de criminalidade do 16,41 por mil habitantes, o que a sitúa por baixo da media da provincia, de Galicia e de España. Con respecto á provincia, que é unha das provincias máis seguras de España, a taxa de criminalidade de Ribadeo é inferior en 8 puntos.
Outro aspecto favorable é o descenso da delincuencia o ano pasado respecto ao ano 2021, pois se comparamos os datos, compróbase que descendeu o número de delitos un 19,5%, ao pasar de 200 infraccións penais no 2021 a 161 no 2022.
Do mesmo xeito, a subdelegada do Goberno eloxiou o bo traballo desenvolvido polos corpos de seguridade con presenza no municipio ao tempo que destacou o elevado índice de efectividade policial que se acadou. Durante o pasado ano, a Garda Civil esclareceu o 71% dos feitos delictivos rexistrados en Ribadeo.
Charlas para reforzar a seguridade escolar
A Xunta Local de Seguridade pasou revista tamén ao labor realizado pola Garda Civil dentro do Plan Director para convivencia e mellora da seguridade escolar nos centros educativos de Ribadeo. Grazas ao esforzo do equipo de formadores e das comunidades educativas, no curso escolar 2021/2022 foi posible celebrar 18 charlas sobre diferentes temas como a ciberseguridade e os riscos que supoñen para nenos e mozos os distintos tipos de adiccións, tanto ao alcol e drogas como ás apostas e aos videoxogos, así como actividades relacionadas coa igualdade e a violencia de xénero.
Zonas de actuación en materia de tráfico de Garda Civil e Policía Local
Na reunión de hoxe tamén se aprobou a nova delimitación das zonas de actuación da Agrupación de Tráfico da Garda Civil e Policía Local no termo municipal de Ribadeo. A actualización da delimitación de zonas de actuación persegue mellorar a coordinación na vixilancia do tráfico, así como na asistencia a accidentes de circulación.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
