Ribadeo, 12 de abril de 2023. O Concello iniciará un novo expediente de contratación para a licitación do Ciclo da Auga en Ribadeo. Así o acordou por unanimidade a Corporación Municipal nun pleno extraordinario celebrado na tarde de onte. Farao tendo en consideración os aspectos indicados polo Tribunal Administrativo de Contratos de Galicia.
No Concello tivo lugar nas últimas horas un pleno extraordinario “para tratar o importante asunto da licitación do Ciclo da Auga en Ribadeo, logo de que o Tacgal (Tribunal Administrativo de Contratos de Galicia) estimase un recurso presentado pola empresa Viaqua e inadmitise outros dous contra os pregos técnicos aprobados anteriormente pola Corporación”, segundo explicou o alcalde, Fernando Suárez.
O rexedor contou que “o que acordamos foi subscribir por unanimidade o informe-proposta da secretaría municipal para desistir deste expediente de contratación, e iniciar outro novo inmediatamente tomando en consideración os aspectos que este Tribunal Administrativo sinalou. E así se fará desde hoxe mesmo, e sabendo que iniciamos un proceso que deberá continuar a seguinte Corporación Municipal”.
Suárez Barcia subliñou que “temos por diante un reto para cumprir a legalidade da Lei de Contratos para cando vencen as Concesións de Servizos e que non queden ilegalmente sen contrato, para garantir o mellor servizo da auga en Ribadeo e para conseguir melloras necesarias en infraestruturas de almacenamento de auga, de control, de mellora de fugas, de modernos tratamentos de desinfección, etc. Todo isto, para seguir sendo un Concello moderno e punteiro en cousas tan importantes coma a auga que bebemos”.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
