Castiñeira considera que a maneira de actuar dos socialistas é ofensiva para os veciños de Foz e sinaladamente para os das “parroquias de Vilaronte, Santa Cecilia e San Acisclo, que lembran a promesa electoral de hai moito tempo dos socialistas, incluso cando estaban na oposición, e que ven que en tres anos non fixeron nada”
Foz, 12 de abril de 2023. Coas eleccións municipais formalmente convocadas, no período no que estamos agora mesmo, os candidatos que chegan aos comicios formando parte de gobernos non poden facer algunhas cousas, como é anunciar obras. Así o sinala o portavoz popular e candidato do PP á alcaldía, Javier Castiñeira, á vista dos anuncios de obras que está a facer o goberno local; son, di, “trampas electorais”. Castiñeira sinala: “ As obras ás présas e os anuncios electorais de última hora son moi propios do Partido Socialista de Foz. Non hai máis que ver como está o pobo: cheo de furados, de polvo, vítima dunha descoordinación absoluta. Non hai máis que ver as informacións que se publican nos últimos días, especialmente as relacionadas coas rotondas na N-642, rotondas para as que en tres ano e medio non se fixo nada e agora parece que vai haber rotondas por todos os lados”.
Castiñeira explica: “O que nos estraña é que se faga fraude con isto, facer anuncios neste tipo nun período no que non se poden facer é facer trampas; o PSOE, probablemente, ve que non foron suficientes os tres anos e medio de lexislatura para demostrar aos veciños de Foz que pode facer cousas e ten que facelo todo agora antes das eleccións”. Esta forma de actuar, supón “pensar que os veciños de Foz son tontos; non son tontos os veciños de parroquias de Vilaronte, Santa Cecilia e San Acisclo, que lembran a promesa electoral de hai moito tempo dos socialistas, incluso cando estaban na oposición, e que ven que en tres anos non fixeron nada”.
O portavoz popular lembra que “as rotondas en Cangas xa quedaran deseñadas no seu día polo goberno do PP, no ano 2018, e non sabemos porque se pararon nos anos de goberno do Partido Socialista. Iso é o que ten que explicar o señor Cajoto e deixarse de facer trampas electorais en momentos nos que non se poden anunciar obras deste tipo”.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
