A avogada Mercedes Rodríguez, que será a número dous da lista popular, destaca a necesidade de rebaixar a presión tributaria para atraer poboación e para apoiar aos veciños de Foz
Foz, 13 abril de 2023. O candidato á alcaldía de Foz polo PP, e actual portavoz popular, Javier Castiñeira, xunto cos membros do seu equipo, desenvolven o calendario de reunións que fixaron coas asociacións de veciños e outros colectivos sociais. Os populares teñen xa practicamente pechado o seu programa económico para o Concello para os próximos catro anos. O candidato, sinala: “Dentro da idea fundamental do PP de gobernar dende o primeiro día se así o deciden os veciños de Foz o próximo 28 de maio, e non como leva facendo o bipartito PSOE-BNE que botou a práctica totalidade da lexislatura escusándose en que eran inexpertos, o PP de Foz traballa, co grupo municipal e con persoas como Mercedes Rodríguez, que se incorporan ao equipo popular, nun plan económico que é necesario e que inclúe unha reestruturación dalgunhas ordenanzas”.
Castiñeira explica que unha parte do plan económico é “eliminar o imposto da plusvalía” Indica: “Se gobernamos, se temos a posibilidade que dá a maioría, eliminaremos ese imposto, que afecta as transmisións patrimoniais, no primeiro ano de goberno”. Igualmente, di que “hai que traballar na contribución (IBI), porque “o PSOE prometeu rebaixar a contribución e non o fixo, a pesar de que o PP llo lembrou varias veces durante a lexislatura”. A este respecto, a avogada Mercedes Rodríguez Moreda, que será a número dous da lista do PP, declara: “O PP entende que hai que bonificar ás familias empadroadas en Foz; é importante para atraer poboación e para que os que viven aquí estean respaldados. Hai que bonificar ás familias que viven no rural, porque necesitan máis apoio”.
Castiñeira resalta a necesidade de “facilitar unha serie de impostos municipais que deben ser reestruturados, porque nestes catro anos non se fixo nada e incumpríronse promesas como a rebaixa da contribución”. Engade: “Estamos traballando nesa liña, con moita ilusión. É necesario facelo nos próximos catro anos para que os nosos veciños se sintan respaldados e non enganados polo equipo de goberno, como pasou nesta lexislatura, cun bipartito (PSOE-BNG) pouco activo, pouco experimentado, con demasiadas escusas e con moi pouca eficacia; con moitas présas ao final da lexislatura, e, como é sabido, os traballos de última hora non son bos compañeiros”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
