O alcaldable, Roberto Díaz, destaca “a súa profunda implicación con Lourenzá, o noso patrimonio e a actividade social e cultural laurentina”
Lourenzá, 5 de abril de 2023. O PP de Lourenzá contará con Remedios Gallo como número 3 da candidatura ás eleccións municipais do vindeiro 28 de maio. Así o explica o candidato, Roberto Díaz, que destaca “a súa profunda implicación con Lourenzá, coa posta en valor do noso patrimonio e coa actividade social e cultural do municipio”.
Entre as propostas do Partido Popular para mellorar Lourenzá, Remedios Gallo sinala “a promoción seria do patrimonio histórico” e, nese sentido, aposta por “consensuar co Obispado e as distintas administracións a rehabilitación urxente do mosteiro de San Salvador para usos inmediatos”.
Tamén subliña a importancia de “impulsar o Camiño de Santiago no noso concello” e propón “crear a Ruta do Conde Santo -peregrino por excelencia das terras da Mariña- e a de Julia Minguillón -para evitar o paso dos veciños pola estrada de Villapol/A Cazolga-”. Así mesmo, defende a creación dun museo municipal sobre a historia da vila e das parroquias porque “é a mellor forma de dar a coñecer o que temos para a súa promoción e publicidade”. Esta proposta complementaríase co deseño e difusión de “rutas de visitas desde a vila ás distintas parroquias para dar a coñecer o noso patrimonio”.
Gallo defende a transparencia e a participación cidadá. Nese sentido, destaca o papel das novas tecnoloxías para facer chegar información aos veciños e veciñas. Por unha banda, os populares apostan por poñer a disposición dos laurentinos os temas abordados en cada pleno; e, por outra, o proxecto do PP laurentino recolle a creación dunha plataforma web de participación veciñal que tamén dea difusión ás actividades das asociacións. Así mesmo, contemplan actividades dirixidas aos máis maiores sobre o uso das novas tecnoloxías.
E, pensando nos mozos e mozas, defende a creación dunha oficina de participación xuvenil; un espazo público público para as actividades xuvenís; un servizo de asesoramento sobre asociacionismo, emprego, vivenda, saúde, mobilidade ou becas; e un programa de actividades xuvenís ao longo do ano para cada parroquia.
“Creo firmemente que o PP de Lourenzá está preparado para realizar unha xestión axeitada e honrada para impulsar o Concello con iniciativas serias en relación a temas sociais, culturais e económicos que se precisan”, asegura.
CURRÍCULO
Remedios Gallo Fernández traballa na Administración de Xustiza. É técnico superior de Administracións e conta con estudos en criminoloxía. Tamén é monitora de ocio, tempo libre e animación sociocultural.
Foi presidenta das asociacións Osorio Gutiérrez e Patrimonio Laurentino dende os seus inicios. Tamén presidiu o grupo de teatro Osorio Gutiérrez e colabora con Trangalleiros; ademais de participar na elaboración do Belén na igrexa laurentina e na organización das Festas do Conde Santo.
Igualmente, participa xunto a un grupo de veciños na promoción da Romaría da Gracia, co fin de conservar e rehabilitar a capela do mesmo nome. Sobre este lugar sinala que “o teño presente dende a miña nenez pola devoción familiar. É unha capela dunha soa nave con columnas románicas a ambos lados procedentes da antiga igrexa monacal co escudo policromado que contén o blasón do mosteiro fundador”.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
