Os candidatos expuxeron as grandes liñas das políticas sociais que inclúen nos seus respectivos programas, sempre co compromiso firme de mellorar a cobertura das necesidades sociais
Lugo, 15 de maio de 2023. A conselleira de Política Social e Xuventude, Fabiola García, participou na xornada de hoxe en actos dos candidatos populares na Mariña. Arroupou aos candidatos de Burela, Viveiro, Xove e Foz. Pola mañá visitou xunto con Manuel Rouco os centros de atención á discapacidade da Fundación ‘Eu son’ e tamén a unidade de respiro familiar da Asociación de Familias de enfermos de alzhéimer e outras enfermidades (Afan). Nestes actos participou o coordinador xeral do PP da provincia de Lugo, José Manuel Balseiro (deputado autonómico).
Pola tarde, acompañou á candidata de Viveiro, Mariña Gueimunde, nunha reunión con distintas entidades e profesionais do sector dos servizos sociais; ao candidato de Xove, Demetrio Salgado, nun encontro con Aspanane; e ao de Foz, Javier Castiñeira, con representantes de distintas entidades sociais.
A conselleira, nas súas intervencións, sinalou que o Partido Popular de Galicia ten demostrado ser a forza política que máis se preocupa polo benestar das familias. Neste sentido, lembrou a posta en marcha de medidas históricas como a gratuidade das escolas infantís, o reforzo na financiación do Servizo de Axuda no Fogar e a intensa colaboración co tecido social para levar por todo o territorio máis e mellores servizos de atención á discapacidade.
BURELA: INCREMENTO DO GASTO SOCIAL
O alcaldable popular en Burela, Manuel Rouco, sinalou que un dos eixos básicos do PP de Burela son os servizos sociais. Anunciou: “ O gasto social incrementarase de forma significativa para atender todas aquelas necesidades que non foron cubertas nestes catro anos por parte do goberno socialista do señor Llano e da señora María del Carmen López Moreno”. Engadiu: “Máis alá das palabras e das boas intencións, o PP demostra que cumpre coa palabra dada e neste sentido, no seu día quedamos coa dirección da fundación Eu Son e da fundación Afan en traer á conselleira de Política Social para que vira dúas entidades tan importantes na nosa vila e tamén na comarca”. Rouco asegurou: “Se os veciños e veciñas de Burela nos outorgan a súa confianza o 28 de maio, a traballadora social e compañeira de partido Maite Lanza será a encargada de levar esta concellería; é unha persoa sumamente comprometida e que sabe ben das necesidades neste sentido, polo que estou seguro de que dará un pulo como nunca se deu aos servizos socias dentro de Burela”.
VIVEIRO: POSTA EN SERVIZO DUN CENTRO DE DÍA
A candidata do PP á alcaldía de Viveiro, Mariña Gueimunde, polo seu lado, sinalou: “No noso programa apostamos por un benestar de calidade para os nosos maiores. Queremos a posta en marcha dun centro de día. Responderemos á conciliación ampliando a oferta de novas prazas de gardería. E propoñemos solucións para activar a Casa da Xuventude na nosa cidade. Igualmente, apostamos por establecer un convenio para o uso continuado do albergue de Area como espazo de lecer e formación”.
XOVE: AXUDANDO A FACER REALIDADE O SONO DE ASPANANE
O aspirante a repetir como alcalde en Xove, Demetrio Salgueiro, resumiu así a decisión de apoiar a Aspanane: “Axudamos a Aspanane para que o seu soño de ter unha residencia na Mariña se faga realidade”.
FOZ: SOLUCIÓN PARA O ASILO
O aspirante do PP á alcaldía de Foz, Javier Castiñeira, manifestou: “A política social do goberno bipartito en Foz foi un auténtico fracaso; botaron 4 anos para renovar o contrato da Axuda no Fogar e crearon unha crise coa residencia totalmente inxustificada. Polo contrario o PP de Foz puxo a funcionar a residencia, triplicou o SAF e é o único que pode dar solución ao antigo Asilo”.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
