Ribadeo, 19 de maio de 2023. Acisa Ribadeo presenta a súa bolsa de emprego. Trátase dun servizo que ofrece ás súas asociadas e asociados de cara á tempada de verán.
A presidenta de Asociación de Comerciantes, Industriais, Servizos e Autónomos, Carmen Cruzado, explicou que “dende Acisa Ribadeo somos plenamente conscientes de que cada vez é mais complicado encontrar persoal cualificado para dar cobertura ás múltiples demandas de emprego tanto de hostalaría, de comercio como de servizos. As causas poden ser moitas, pero o que sabemos obxectivamente é que os nosos negocios necesitan persoal de cara o verán e moitos deles están xa na busca activa de camareiros, axudantes de cociña, dependentas, gobernantas, recepcionistas ou limpadoras, entre outras e outros”.
Cruzado Iglesias dixo: “por sorte a tempada turística cada vez comeza antes e urxe ir cubrindo estas vacantes para que poidamos ofrecer dende os nosos negocios o mellor servizo posible. Esta bolsa de emprego cremos que pode ser un servizo moi importante e útil para as asociadas e asociados de Acisa Ribadeo, tanto para as nosas empresas como para as persoas que se atopan na busca activa de emprego”.
O xerente de Acisa, Jesús Pérez, indicou que “deste xeito Acisa pon a disposición o seu programa de emprego, cunha canle bidireccional. En primeiro lugar, recordámoslles aos nosos socios e socias que poden enviarnos as ofertas de emprego si necesitan cubrir algún posto con necesidades específicas e nos publicámolas nas nosas redes sociais e enviámoslles os currículos que teñamos na nosa base de datos. E en segundo lugar, a novidade deste ano é que toda aquela persoa que estea buscando traballo ou queira traballar de cara o verán en calquera posto de traballo relacionado coas empresas asociadas a Acisa Ribadeo pode enviarnos o seu currículo ao seguinte correo electrónico info@acisaribadeo.es indicando qué empregos son do seu interese e nos terémolos na nosa base de datos e así cando chegue unha oferta laboral, poderemos enviar todos os currículos susceptibles de cubrir ese posto de traballo ás empresas asociadas a Acisa Ribadeo”.
Novos locais asociados
Nas últimas semanas decidiron darse de alta e formar parte da Asociación de Comerciantes, Industriais, Servizos e Autónomos de Ribadeo negocios como A Menchina, Serendipia, Farmacia Montse Iglesias, Talleres Cardi, Asesoría Administrativa Ribadeo, Floristería Maribel e Cuatro Vientos.
A presidenta de Acisa, Carmen Cruzado, sinalou: “queremos darlles a benvida a todos estes negocios. Desde que esta directiva chegou a Acisa, a mediados do pasado mes de xullo, levamos tramitadas 19 altas, unha cifra que consideramos moi importante e que agardamos seguir incrementando ao longo das vindeiras semanas. A nosa campaña de captación de socias e socios segue en marcha”.
Pérez Prada, o xerente, manifestou: “é certo que tamén se produciron algunhas baixas, pero o movemento que rexistra Ribadeo de aperturas de novos negocios ou de cambios de xerencia segue a indicar o atractivo e a puxanza que ten a nosa vila, que segue a ser elixida por moitos emprendedores e emprendedoras para dar este importante paso. Grazas a elo Ribadeo segue a ser o referente comarcal comercial e hostaleiro así como destino semanal de moitos veciños e veciñas de toda a contorna para mercar, comer, cenar ou tomar algo. Ribadeo é ano tras ano visita obrigada para milleiros de turistas, de preto e de lonxe”.
E engadiu: “en Acisa seguimos sendo un referente tamén no noso sector, cos servizos que prestamos, coas campañas que organizamos e co dinamismo económico que xeramos ao longo de todo o ano”.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
