Villares tamén apostou pola continuidade da gratuidade na escola infantil municipal e dos programas de conciliación nos períodos de vacacións sinalando que, en ambos casos, “nos esforzamos para que ningún neno ou nena quede fóra”
Cervo, 14 de maio de 2023. O candidato do PP á alcaldía de Cervo, Alfonso Villares, aposta por “servizos públicos de calidade” e, máis especificamente, durante o mitin celebrado en Cervo lembrou que “a educación e a conciliación familiar son e serán primordiais no noso proxecto de traballo”. Tamén interviron o responsable autonómico de Cultura, Educación, Formación Profesional e Universidades, Román Rodríguez, e o deputado, coordinador do PP provincial e integrante da candidatura, José Manuel Balseiro.
O municipio de Cervo conta con tres centros de ensino -dous colexios e un instituto- e “cremos que deben estar en condicións óptimas. Por iso non escatimamos esforzos económicos para que estean ben dotados para ofrecer un servizo de calidade aos nosos rapaces e rapazas”. Nese sentido, Villares agradeceu o compromiso da Xunta que permitiu mellorar o CEIP de Cervo grazas a un investimento de máis de 1 millón de euros.
Villares incidiu tamén no seu compromiso coa atención aos nenos de 0 a 3 anos. Nese sentido, aposta pola continuidade da escola infantil municipal “xestionada polo Concello e con traballadores públicos coa que se da cobertura de xeito gratuíto ás necesidades de tódalas familias do noso concello”.
O equipo do Partido Popular esfórzase por “atender aos veciños e veciñas”. Nese sentido, “continuaremos a desenvolver actividades que permitan a conciliación laboral das familias nos períodos de vacacións -verán, Nadal ou Semana Santa- sen que os seus fillos e fillas queden desatendidos”. De feito, “poñemos todos os recursos necesarios para que ningún rapaz ou rapaza quede fóra e temos coñecemento da boa acollida entre os nosos veciños e os doutros concellos”.
Villares propón un proxecto que continúe atendendo as necesidades dos veciños e veciñas “traballar por e para Cervo, dende os diferentes ámbitos, tal e como fixemos nos últimos anos”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
