Ribadeo, 12 de maio de 2023. O Club Piragüismo Altruán de Ribadeo adquiriu unha nova furgoneta para os desprazamentos de deportistas e material a adestramentos e competicións, coa colaboración da Área de Mocidade da Deputación de Lugo, que achega unha partida de 24.000 euros. No salón de plenos do Concello tivo lugar a sinatura do correspondente convenio de colaboración.
A deputada de Mocidade, Mónica Freire, dixo que “se trata dunha furgoneta multipraza, con barras de equipaxe e habilitada para acoplar un remolque que permita trasladar as embarcacións, un recurso imprescindible para o desenvolvemento da actividade do club, despois de nas últimas semanas avariase o único vehículo destas características do que dispoñían”.
A tamén concelleira de Igualdade explicou que “con esta colaboración, tratamos de contribuír á actividade dun club que está a render a un nivel extraordinario no deportivo pero que, sobre todo, ofrece á nenas e nenos de Ribadeo a posibilidade de facer deporte desde as primeiras idades e adquirir rutinas saudables, con todos os beneficios que iso ten a nivel persoal e social”.
O presidente do club Altruán, José Ángel Fernández, subliñou que “a axuda da Área de Mocidade da Deputación resulta crucial e determinante para que o proxecto deportivo do Altruán, que está dando os seus froitos, poida levarse a cabo”.
E lembrou que “os desprazamentos son parte fundamental da actividade do CP Altrúan, que participa tanto en competicións locais, como na liga provincial, como en probas a nivel galego ou estatal. Como exemplo, os últimos desprazamentos foron a Arcos de la Frontera en Cadiz e Muíños (Ourense) para participar nos campionatos estatal e galego”.
O Altruán, que leva máis de 40 anos de actividade ininterrumpida en Ribadeo, conta con medio cento de licencias de deportistas que participan en competicións federadas. Ademais, desenvolve unha intensa actividade na promoción do kaiak de mar non competitivo ou no fomento de prácticas deportivas inclusivas, promovendo o disfrute social e sostible da ría de Ribadeo.
Estiveron presentes no acto de sinatura entre a Deputación e o club Altruán os concelleiros de Deportes e Economía, Jorge Díaz e Pablo Vizoso, ademais de Mónica Freire e José Angel Fernández.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
