Ribadeo, 24 de maio de 2023. Tras un proceso de traballo conxunto entre o Concello e os establecementos de hostaleira e restauración nace en Ribadeo o programa Víveo Máis, que foi presentado hoxe, mércores.
O concelleiro de Desenvolvemento Local, Pablo Vizoso, explicou que “Víveo Máis é un proxecto colaborativo entre o Concello de Ribadeo e os establecementos de restauración e hostaleira ribadenses. Nace co propósito de ser unha guía sobre a que avanzar no compromiso da sostibilidade turística en Ribadeo. Presentámonos coma un proxecto piloto, aínda que con vocación de permanencia, onde construír de forma colaborativa unha plataforma no que ir desenvolvendo accións que sitúen tanto a Ribadeo coma aos seus participantes como abandeirados no compromiso da sostibilidade”.
Pablo Vizoso especificou que o programa Víveo Máis “estruturase en carto retos clave que son globais e que o turismo sostible ten que encarar tanto en aspectos sociais como ambientais: desenvolvemento do territorio; recursos naturais e biodiversidade; cambio climático; e economía circular. Dentro de cada un deles incluiranse á súa vez medidas e criterios que abondarán na mellora do reto. Haberá criterios diferenciados, en parte, para hostalaría e para a restauración”.
O edil ribadense engadiu que “nesta primeira etapa de pilotaxe as persoas que desexen participar deberán cumprir como mínimo 5 medidas de obrigado cumprimento e tamén como mínimo outras 12 das 35 que hai en total. Algunha das medidas de obrigado cumprimento será ofrecer na carta produtos de proximidade, ofrecer produtos de tempada así como implantar medidas de sensibilización sobre o consumo responsable, coma o feito de animar a levar os alimentos non consumidos ou asesorar sobre o tamaño das racións. Outras medidas, de entre as que poderán escoller as persoas participantes, son a utilización de envases reutilizables ou biodegrables e a priorización de provedores locais nas súas compras. Os hoteis terán medidas como ofrecer no chek-in unha experiencia de menor impacto e na que poderán incluír cuestións como almorzos con produto local, sen plástico, ofrecer artigos de aluguer, etcétera”.
Pablo Vizoso destaca que se trata dun programa “que nos axudará a ir mellorando cada ano e que, contando cunha implicación da comunidade local, tentarase lograr que o turismo sexa unha actividade enriquecedora tanto para as persoas visitantes como para a nosa contorna. Outros dos obxectivos que se perseguen co programa son: a sensibilización sobre o impacto e as oportunidades do turismo sostible; a posta en valor dos negocios comprometidos con este programa e o enfoque da actividade turística; o impulso aos negocios locais na adopción de medidas máis sostibles; a creación dunha rede entre os negocios turísticos con outros sectores, como o agroalimentario ou incluso a administración local; situar a Ribadeo como un destino sostible, é dicir, de alta calidade, innovador, rexenerativo e consciente”.
A paxina web do proxecto é https://viveomais.ribadeo.gal/, nela está toda a información do programa e a documentación para inscribirse. As persoas que desexen obter máis datos tamén se poden poñer en contacto coa Área de Desenvolvemento Local do Concello de Ribadeo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
