O alcaldable cre que hai que tomar medidas como impulsar a economía local, baixar o prezo do solo industrial e a eliminación de taxas para reactivar a economía local e axudar aos mozos a ficar en Ribadeo
Ribadeo, 25 de maio de 2023. O conselleiro de Cultura, Educación, Formación Profesional e Universidades, Román Rodríguez e o o coordinador xeral do PP lucense, José Manuel Balseiro Ourol, arrouparon ao candidato á alcaldía de Ribadeo, Dani Vega, nun mítin centrado na mocidade e no que o alcaldable explicou as principais liñas de traballo a seguir en materia de cultura no caso de chegar á alcaldía nas vindeiras eleccións municipais.
“A mocidade é o motor de cambio e transformación para Ribadeo. Moitos mozos están trasladando propostas e converténdoas en realidade. Propostas de todo tipo, culturais, lúdicas e de impulso para o noso rural. Por iso, quixemos facer un acto con toda a mocidade de Ribadeo” dixo.
Neste sentido, Vega destacou a implicación e o compromiso dos mozos co municipio e subliñou que “cando nos trasladan as súas propostas e demandas nós estamos con eles para escoitalos e axudalos en todo o que poidamos desde o noso grupo e, agora mesmo, están a trasladarnos demandas que incorporamos no noso programa como medidas para impulsar a economía local, a eliminación de taxas e a implantación dun Portal de Emprendemento …todo isto en favor de mellorar e reactivar a economía de Ribadeo”.
O candidato cre que hai que prestar máis atención ás actividades lúdicas e culturais. Agora mesmo a nosa oferta cultural é grazas a estes mozos que día a día traballan con moito esforzo para levar a Ribadeo concertos e festivais. “Son un exemplo a seguir e queremos que sigan traballando para dar a coñecer o noso municipio e para que consigan traer máis actividades de ocio”, di.
Por outra banda, Dani Vega destacou a necesidade de seguir apoiando aos mozos no deporte e no rural. En canto ao deporte “están dando motivos de sobra para que os apoiemos, están representando Ribadeo por toda España e necesitan máis espazos para desenvolver as súas actividades, por iso queremos construír ese campo de herba artificial e as pistas de atletismo”. En relación ao rural, o alcaldable asegura que “cada vez máis mozos piden asentarse nas parroquias e por iso necesitan que lles facilitemos as cousas”. O programa de Dani Vega inclúe a axilización de trámites de licencias para a reforma dunha casa e a eliminación de impostos. “En definitiva, precisan que lles axudemos máis para que poidan ficar en Ribadeo”.
Pola súa parte, Balseiro subliñou que “o Partido Popular é o único coa capacidade para facer un cambio de rumbo no municipo. O proxecto político de Dani Vega é o que necesita agora mesmo Ribadeo para recuperar o esplendor que tivo fai tempo e que perdeu coas malas políticas e iniciativas do BNG”.
A XUNTA COA EDUCACIÓN E A CULTURA EN RIBADEO
A Xunta de Galicia ten un compromiso claro con Ribadeo. Desde o 2009, a consellería de Cultura e Educación investiu case 3,7 millóns de euros no mellora dos tres centros educativos cos que conta o Concello. No Gregorio Sanz realizáronse varias melloras e unha rehabilitación integral. No IES Porta da Auga houbo unha reforma, ampliación e adaptación de infraestruturas. E no 2010, o IES Dionisio Gamallo tivo unha reforma e ampliación grazas a este investimento.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A alcaldesa, Dolores García Caramés, visitouna no seu domicilio para felicitala e entregarlle un ramo de flores en nome de toda a veciñanza. Nada en Sargadelos e veciña de Cervo, foi a máis nova de dez irmáns e desde moi nova traballou no campo e coidou dos animais, sempre cun gran espírito de esforzo. Nai, avoa e bisavoa, a súa familia destaca a súa alegría, enerxía e bo humor. Moi activa ao longo da súa vida, gozaba de viaxar, da praia, de conducir e de participar nas actividades municipais, ademais de cultivar a súa paixón por cantar. Coqueta, sorrinte e cun espírito novo, Benedicta é hoxe un exemplo de vitalidade para todo o municipio.
