O líder dos socialistas galegos traslada o apoio á candidatura á alcaldía de Burela encabezada por Carmela López, que representa “ilusión, xuventude, e experiencia de xestión”
Burela, 13 de maio de 2023. O secretario xeral do PSdeG, Valentín González Formoso, reafirmou hoxe en Burela o apoio dos socialistas galegos ao sector mar – industria, do que dependen 40.000 familias de galegos e galegas. Formoso visitou hoxe a feira pesqueira Expomar xunto coa candidata socialista á alcaldía, Carmela López, que dixo que representa “ilusión, xuventude e experiencia de xestión” no Concello.
O responsable socialista ofreceu unha “mensaxe de optimismo e ilusión” dos socialistas galegos a un sector “polo que levamos moito tempo pelexando”, na defensa da pesca de fondo, a pesca de cerco ou a continuidade das instalacións concesionadas no sector mar – industria. Formoso reivindicou “competencias plenas na xestión do litoral polo ben do sector e polo futuro de Galicia”.
En resposta a preguntas dos xornalistas, emprazou ao PP e ao goberno galego a aceptar as emendas dos socialistas á Lei do Litoral e “mellorar un texto que vai permitir bums inmobiliarios e hoteleiros”. Chamou a evitar que a costa galega “se converta nun novo Mar Menor ou na costa andaluza”.
Reiterou o apoio dos socialistas á tramitación da Lei do Litoral de Galicia, que está pendente de afrontar a súa primeira votación de toma en consideración no Parlamento. Explicou que os socialistas apoiarán o texto nesa primeira votación que iniciará o trámite parlamentario coa condición de mellorar a Lei a través de emendas.
Esixiulle á Xunta que “se centre na xestión do litoral” e “eliminar incertidumes no sector”, que conta con 568 instalacións na costa galega e da que dependen decenas de milleiros de familias, para que “non haxa dúbidas á hora de investir e de garantir o futuro laboral”.
Formoso comezou en Burela unha xornada que estará centrada no sector mar – industria, e que rematará xa pola tarde en A Guarda, onde acompañará ao alcalde e candidato á reelección, Antonio Lomba, nunha localidade na que a pesca é “bandeira”. Sinalou que A Guarda é a sede da Organización de Palangreiros Guardeses -Orpagu-, coa que “colaboramos habitualmente dende o PSdeG”, como interlocutores co goberno.
Burela
O líder dos socialistas galegos respaldou á candidata socialista á alcaldía de Burela, Carmela López, que opta a suceder a Alfredo Llano, o alcalde socialista da localidade que da un paso ao lado deixando “unha marca imborrable en Burela e na Mariña”. Sinalou que o traballo de responsables como Llano e agora Carmela López é exemplo do compromiso dos socialistas galegos coa comarca”.
Contrastou o traballo e a “pelexa” do PSdeG a favor da Mariña lucense, unha comarca que “ve como a Xunta dálle as costas, primeiro con Alcoa e despois anunciando que a planta de Altri acabará noutra parte de Galicia”. Censurou o “comportamento irresponsable” do goberno galego na pelexa pola continuidade da factoría de Alcoa en San Cibrao.
Formoso sinalou que os traballadores, o goberno do Estado e a propia empresa “demostraron responsabilidade co futuro da empresa” votando maioritariamente pola continuidade co acordo de investir 184 millóns de euros. Lamentou que tanto o goberno da Xunta como o BNG “alentaran que o acordo non existira”, e sinalou que “cando volvan abrir as cubas nos acordaremos de quen actuou responsable e quen irreponsablemente.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
