O Alcalde e candidato á reelección pechou este venres á noite unha intensa campaña electoral nunha Sala Bahía ateigada, onde fixo un chamamento masivo a que os veciños e veciñas aposten pola súa candidatura porque “votar socialismo significará que terán garantido o traballo e o esforzo para seguir mellorando Foz sen atrancos”
Foz, 26 de maio de 2023. O Alcalde e candidato á reelección polo PSdeG en Foz, Fran Cajoto Caserío, pechou este venres unha intensa campaña electoral pedindo o voto para a candidatura que encabeza porque “temos que consolidar Foz como a referencia da Mariña”. Fíxoo ante unha Sala Bahía ateigada de veciños e veciñas e arroupado polos membros do seu equipo, e tamén polo o voceiro do PSdeG no Parlamento de Galicia, Luis Álvarez, e o Senador por Lugo, César Mogo.
O rexedor foi claro ó dicir que “é necesario que ninguén se quede na casa e que todos os veciños e veciñas vaian ás urnas, que voten socialismo porque iso significará que terán garantido o traballo e o esforzo para seguir mellorando Foz”. Pediu un apoio masivo para poder “desenvolver os proxectos que temos en mente sen atrancos, e ante a ameaza dun Partido Popular carente de respecto e sen plan de goberno”.
“Preséntome de novo co maior dos sorrisos”, así dixo sentirse ante esta cita electoral coa que quere “aumentar a confianza logrando unha maioría de apoios que permita unha xestión sen ataduras”. “Apelamos a todas as persoas, aos que se quedaron na casa, aos que votaron socialismo noutras eleccións e aos que non, a todos e a todas”, dixo.
Cajoto amosouse “cun enorme compromiso, con moitísima ilusión e cunhas ganas tremendas de gañar para seguir traballando xa dende o luns 29 para ter un Foz mellor”. “Teño a sorte de contar co mellor equipo, xente nova, comprometida e traballadora, porque Foz non merece menos”, subliñou. “Para gobernar hai que ter boa intención, escoitar, saber decidir e dirixir, pero tamén capacidade de xestión. Humildemente, creo que esta candidatura cumpre sobradamente este requisito”, aseverou nas súas palabras cheo de convencemento.
Un Foz para vivir
O Alcalde socialista reflexionou sobre o moito que avanzou Foz nos últimos catro anos grazas á xestión do seu equipo. “Presentamos daquela un programa completo, que cumprimos en gran medida, e a xente confiou en nós”, lembrou, ao tempo que “revalidamos ese compromiso cun novo programa que incide, despois de levar a fibra óptica ao territorio, na conectividade das nosas parroquias, na mellora da accesibilidade e das comunicacións do casco urbano, e en dotar a Foz das infraestruturas que necesita, como o actual asilo”, incidiu.
Para os próximos anos Cajoto aposta por un “Foz para vivir”, onde “fomentaremos o deporte, a mellora do servizo de Asuntos Sociais, o coidado do Medio Ambiente e o impulso da Cultura, que é o que nos move a traballar”, expresou ante a súa veciñanza.
Pola súa banda, o Senador César Mogo subliñou que os alcaldes socialistas “sempre dan a cara polos seus veciños, non se esconden, nas boas nin nas malas”, poñendo como exemplo a Cajoto, pois “Foz tivo estes catro anos un alcalde que estivo a pé de obra, cando a xente o necesitou, e, por iso e polas políticas que levou a cabo, os veciños vanlle revalidar a confianza como Alcalde, e por iso e por moito máis pido o voto para el e o seu equipo”.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
