O acto apadriñado por esta prestixiosa organización servirá de pulo a nivel internacional para os recursos turísticos da vila
Viveiro, 20 de maio de 2023. O Concello de Viveiro ven de dar un importante paso a nivel internacional no seu labor de promoción da Semana Santa e o Camiño do Mar por todo o mundo.
Gracias ao esforzo e o constante traballo realizado dende a concellería de Turismo e pola súa concelleira, Marisol Rey, os contactos que se iniciaron hai tempo coa Confraternidad de Saint James para levar a cabo unha presentación que promocione ambos recursos no Reino Unido xa ten data.
Deste xeito, o sábado 18 de novembro de 2023 será unha xornada especial para dar un novo pulo turístico a Viveiro, pois será o día no que a Semana Santa de Viveiro e o Camiño do Mar acaparen o protagonismo desta prestixiosa organización que traballa na promoción do Camiño de Santiago dende hai máis de 40 anos.
“É un paso adiante importantísimo para Viveiro. Conseguir esta presentación no Reino Unido, en Londres, por parte da Confraternidad de Saint James, supón un pulo para dar a coñecer os nosos recursos turísticos en novos países e contribuír así a dinamizar a nosa hostalería e o noso comercio”, subliña a alcaldesa de viveiro María Loureiro.
“Estamos realmente felices de que despois de todos os nosos esforzos, de tantas chamadas, de tanta información enviada, por fin contemos xa con data para facer esta presentación”, afirma Marisol Rey. “Foi algo realmente difícil de lograr, tivemos que recorrer a moitas explicacións, vídeos, informando do que é e do que supón a nosa Semana Santa e comprendesen a súa simboloxía e a do Camiño do Mar. Por iso estamos tan felices”, engade a concelleira de Turismo.
A Confraternidad de Saint James foi creada en 1983 por seis persoas que compartían unha paixón pola peregrinación a Santiago. Iso os levou a organizar conferencias e a realizar numerosas investigacións, artigos e guías sobre as Rutas Xacobeas, convertendo a súa pequena asociación nunha das máis grandes do Reino Unido. Agora, 40 anos despois, a súa evolución é espectacular con máis de 1.500 membros en diferentes países como Australia e Estados Unidos, contan ademais con dous albergues de peregrinos no Camiño, un sitio web enciclopédico e unha biblioteca moi completa dedicada á peregrinación e ao Apóstolo.
A súa función é semellante á dun turoperador e de feito levan anos traballando con Turgalicia.
Na pasada Feira de Fitur, Marisol Rey xa tivo a oportunidade de reunirse con Rachael Diaz-Pinto, representante da Confraternidade, para ultimar os detalles desta importante presentación do próximo mes de novembro en Londres.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
