O Valadouro, 11 de maio, 2023. O Concello do Valadouro reforzou o parque móbil cun vehículo de emerxencias que facilitará a intervención municipal en situacións que afecten á seguridade e ás cotidianeidadebdas veciñas e veciños.
O vehículo, adquirido coa colaboración de Medio Rural da Deputación de Lugo, conta cun depósito duns 3.000 litros de auga que permitirá subministrar auga en caso de carencias ou fallos do abastecemento e tamén en caso de lumes, facilitando unha primeira intervención rápida dos servizos municipais.
Tamén conta cun xenerador eléctrico de 30 caveas que permitirá subministrar electricidade en caso de avarías na rede eléctrica ou habilitar puntos de electricidade en espazos que non dispoñen deles, colaborando na organización de festas ou outro tipo de eventos ao aire libre.
Ademais, a operatividade do vehículo ampliarase coa instalación dunha coitela que permita empregalo como quitaneves, axilizando a resposta municipal en caso de problemas nas vías polas condicións meteorolòxicas.
O tenente alcalde do Valadouro Eduardo Chao explicou “que se trata dun medio moi necesario para o Concello que non dispoñía de vehículos destas características desde fai anos” e suliñou que “o novo vehículo permitirá atender dunha forma áxil incidentes e circunstancias que se dan en varias ocasións ao longo do ano e que ata o de agora tiñamos dificultades para atender ao non dispoñer de medios propios”
Eduardo Chao destacou tamén “a importancia de contar con este novo vehículo para o inicio do verán, cando pode resultar máis necesario para a subministración de auga ou a intervención en lumes”.
A compra do vehículo, de segunda man, supuxo un investimento de 14.000 euros.
O Concello de Navia presenta este sábado 28 de febreiro, ás 12:00 h no Casino, o libro Tras las huellas de Campoamor en Alicante, de Luján Martínez Suárez. Ademais, adquiriu un valioso volume da RAE de 1865, que inclúe un discurso seu orixinal. O exemplar incorporarase á Biblioteca Municipal, ampliando o fondo dedicado ao poeta.
O Dúo Eclipse será o encargado de poñer a música nunha nova tarde-noite chea de ritmo, baile e bo ambiente no Guateque de Arruguiñas. A cita é este sábado, 28 de febreiro na Casa do Mar de San Cibrao ás 19:30 h. Ademais, o alumnado de 2º de Bacharelato, en colaboración coa Oficina de Voluntariado Xuvenil, ofrecerá bingo e chocolate para completar a festa. O evento conta tamén coa colaboración da Asociación de Xubilados Terramar.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
