O conselleiro Julio García Comesaña lembrou que o proxecto de reforma e ampliación do centro figura no Plan de Infraestruturas de Atención Primaria
Foz, 22 de maio de 2023. O candidato á alcaldía de Foz, Javier Castiñeira, e o conselleiro de Sanidade, Julio García Comesaña, estudaron hoxe distintos aspectos da situación da sanidade pública neste concello e na Mariña. O departamento autonómico do que é responsable Comesaña ten proxectada unha ampliación do centro de saúde de Foz. Castiñeira sinala: “Se gobernamos, esa ampliación farase durante o próximo mandato municipal”. Para elo, o alcaldable popular comprométese “a facer o que foi incapaz de facer o goberno local saínte, que é a adquisición dos terreos contiguos ao centro de saúde para poñelos a disposición do Sergas”.
Castiñeira aludiu ás falsidades difundidas pola esquerda durante anos con respecto aos plans do PP sobre a sanidade pública e, en concreto, no que se refire a comarca da Mariña. “Dicían que iamos pechar o Hospital da Costa, e estase a ampliar, e así con tantas e tantas cousas. Nós, dende o PP de Foz, traballamos dende o goberno local, no seu momento, e dende a oposición para a impulsar a mellora e modernización do hospital”.
O alcaldable popular tamén lembrou que o partido do actual alcalde votou en contra da lexislación que está a permitir cubrir prazas de difícil cobertura mediante concurso de méritos tanto no centro de saúde de Foz como no Hospital da Mariña.
Pola súa parte, o conselleiro García Comesaña lembrou que no Plan de Infraestruturas Sanitaria en Atención Primaria figura a reforma e ampliación do centro de Saúde de Foz. Por u lado, para ubicar unha base do 061, cuxo plan de espazos inclúe zona de dormitorios, sala de estar, dous despachos, sala de reunións, dous aseos, dous vestiarios de persoal, almacén de material funxible, almacén de farmacia e garaxe para ambulancia.
Igualmente, no proxecto de reforma e ampliación inclúese unha área nova de pediatría, para dedicar o espazo actual para triaxe de pacientes respiratorios e sala de urxencias. A nova edificación tamén disporá de espazos para un grupo electróxeno, centralización de osíxeno, almacén de residuos, almacén xeral de material sanitario e un despacho para o coordinador do centro.
A parcela na que está ubicado o edificio ten esgotada a edificabilidade, polo que é necesario que o Sergas teña a súa disposición o solar colindante.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
