O proxecto do alcaldable do PP inclúe a mellora das dúas entradas a Foz e do eixo turístico entre o porto e A Rapadoira
Foz, 25 de maio de 2023. O conselleiro de Educación, Román Rodríguez, arroupou esta tarde ao candidato do PP á alcaldía de Foz, Javier Castiñeira, no mitin que se desenvolveu no hotel Leyton, no que tamén interveu u coordinador xeral do PP da provincia de Lugo, José Manuel Balseiro.
O candidato popular á alcaldía manifestou na súa intervención, que estivo precedida precedida da de Mercedes Rodríguez (número dous da lista popular), que a próxima lexislatura ten que ser a da mellora dos servizos municipais, especialmente dos que teñen que ver co adecentamento urbano, para o que hai que incrementar os recursos.
O alcaldable popular incidiu en que o esforzo, na liña sinalada, ten que centrarse moi especialmente na limpeza e na recollida do lixo.
Castiñeira adiantou que, se goberna, o Concello deseñará e aplicará un plan contra o feísmo, especialmente na zona urbana. O proxecto do alcaldable popular inclúe a mellora das dúas entradas a Foz e do eixo turístico entre o porto e A Rapadoira.
En canto a infraestruturas culturais, o candidato popular lembrou o compromiso adquirido no seu momento por Núñez Feijóo, entón presidente da Xunta de Galicia, para participar na financiación, xunto coa Deputación e o Concello, dun auditorio para Foz.
En materia de política social, a proposta popular ten tres piares. Por un lado, a ampliación do número de prazas na residencia da terceira idade, de gardería e de axuda no fogar. Por outra parte, a posta en valor do antigo Asilo. E tamén a mellora das condicións para facilitar a conciliación, ademais de impulsar a execución das obras necesarias no colexio de Fondo Nois.
INVESTIMENTOS
A consellería da que é titular Román Rodríguez levou a cabo nos últimos anos cuantiosos investimentos para a mellora dos centros escolares no municipio. Así, no período 2009-2023, a Consellería investiu case 2,7M€ no mantemento e mellora dos 4 centros cos que conta o concello: CEIPs Foz número 1, O Cantel e Fondo Nois; IES de Foz. Entre as actuacións xa rematadas destaca no 2019 a reforma integral do CEIP Foz número 1, por 830.808€. Está en marcha a rehabilitación integral do IES de Foz, por 1.235.861€; está executada ao 55% e o remate das obras está previsto para finais agosto (para o inicio do curso 2023/2024).
No que se refire a área de Cultura, Patrimonio e Política Lingüística, destaca o apoio ao festival Bal y Gay, de música clásica, que se vén celebrando anualmente coa colaboración da Consellería (a través da AGADIC), para o que aportou 30.000€ no 2022. Son de lembrar as obras de adecuación e o proxecto museográfico do Centro de Interpretación da Casa reitoral San Martiño de Mondoñedo, 235.410€ (2018) e o acondicionamento e posta en valor do Castro de Fazouro, por 17.723 euros (2017).
Pola súa parte, o coordinador xeral do PP da provincia de Lugo, José Manuel Balseiro, sinalou na súa intervención que os veciños de Foz teñen a oportunidade de comprobar as moitas obras e servizos que deixou o goberno popular e como practicamente non deixou nada o goberno socialista no mandato que termina.
Balseiro lembrou entre outras obras levadas a cabo durante o goberno do PP en Foz a residencia, dúas rúas peonís, a remodelación do pavillón e a reorganización do porto, entre outros moitos logros.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
