Burela, 19 de maio de 2023. Os traballadores e as traballadoras de Urbaser Burela irán á folga indefinida a partir do martes 23 de maio ante a falta de avances substanciais coa empresa na negociación do convenio colectivo. O persoal leva mobilizándose a diario diante da Casa Consistorial para reclamar salarios e condicións dignas e demandar tamén a implicación activa do Concello na busca dunha solución ao conflito.
A empresa, explica o secretario da CIG-Servizos de Lugo-A Mariña, Xoán Díaz, “di agora que ten ultimada unha proposta que entende que podería valer, pero que non se pode reunir até o mércores 24 pola tarde”. Diante disto, a parte social pediulle a Urbaser que remitira a proposta por correo electrónico para analizala e valorar se realmente pode servir para seguir negociando, “pero non nola queren enviar”.
Unha negativa, apunta Díaz, “que nos dá a entender que a oferta non é tan boa como din” e que non hai vontade real por parte da empresa para evitar o inicio da folga, despois de meses de negociacións infrutuosas e de levar á mesa propostas económicas de miseria.
Así as cousas, os traballadores e as traballadoras do servizos de limpeza viaria, recollida de lixo, xestión do punto e limpeza de praias de Burela volveranse concentrar o vindeiro luns 22 de maio, de 11 a 12:30h, diante da Casa Consistorial e, de non producírense movementos previos por parte da empresa, o martes iniciarase a folga.
Hai que lembrar que o convenio que regulaba as condicións deste colectivo decaeu en 2011 e dende entón o persoal ten practicamente conxelados os seus salarios, pois as únicas subas que tiveron foron as obrigadas polo incremento do SMI “e estas non cobren nin de lonxe os actuais custes de vida nun momento ademais de inflación disparada”.
Pero ademais, a falta dun convenio de referencia provoca un baleiro legal e que nestes momentos haxa traballadores/as de primeira e de segunda, no sentido de que mentres o persoal subrogado de anteriores empresas conserva os dereitos recoñecidos nese convenio, o persoal con menos antigüidade ten os dereitos mínimos recollidos no Estatuto das persoas traballadoras.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
