Na loita polo factor cancha para afrontar o Play-off, as Guerreiras achéganse ao Poio que empata ante o Melilla e contra o que se xogarán ese ansiado privilexio no último encontro da liga regular
Burela, 13 de maio, 2023. Ás 18.00 horas no Pavillón Fausto Vicent de Alcantarilla disputábase o encontro da xornada 28 de Primeira Federación Feminina de Futsal, LBTL Futsal Alcantarilla – Pescados Rubén Burela FS, cun resultado final de 2-4 para as Guerreiras Laranxas. Un encontro moi igualado, con ocasións por parte dos dous equipos, moitas ocasións erradas das burelás. As murcianas fixeron fronte ás campioas da Copa da Raíña con moita coraxe e facéndolles sufrir durante a primeira e a segunda parte, aínda que con maior dominio do Burela en xeral.
O partido comeza bastante igualado, dúas ocasións de Irene Samper, unha no minuto 4 que desvía a porteira e posteriormente outra tras un pase de Dany que tamén detén Ana Romero. No minuto 10 o Alcantarilla ponse por diante cun gol de Carla Ayensa, de rexeite tras un pase de Marta do Risco. Pero a pouco lles soubo xa que na seguinte xogada Irene Samper empata cun disparo frontal tras un pase de Peque. Tras varias ocasións entre elas unha moi clara de Antía que vai ao pau tras un pase de Peque, chega o descanso con 1-1 no marcador.
Na segunda parte comeza Dany poñendo por diante ao seu equipo con outro disparo frontal tras un pase de Peque. Pero no minuto 25, de novo Carla Ayensa, que destacou durante todo o encontro con dous goles e varias oportunidades, volve igualar o partido cun gol tras un xogadón e un remate que a porteira Jozi Oliveira, que xogou durante a segunda parte, non puido deter. Tras unha oportunidade de Antía no minuto 28 que se atopa coa portería baleira tras unha contra pero tira fóra, chega o gol de Peque nun contraataque e tras un pase de Patricia, que pouco despois lanza un disparo que ben puido entrar na portería de non ser por Irene Franco, que fai un paradón e desvíaa a corner. Nun minuto 37 con moita intensidade, comeza con tarxeta vermella a Marta dos Riscos que precede a unha oportunidade de Irene Samper cun tiro desde o segundo pau despois dun corner e outra de Antía que vai fóra. No minuto 39 chega o cuarto gol do Burela que afasta ás murcianas de optar pola posibilidade do empate no úlitmo minuto. Patricia vence á porteira cun disparo tras un pase de Irene Samper. A segundos de rematar o encontro aínda Antía e Peque insisten con dúas oportunidades máis.
Como nos teñen acostumbradxs, loitando ata o final, se levaron o partido as Raíñas Laranxas nunha pista complicada e ante un LBTL Fustal Alcantarilla forte e peleón, de igual modo, do principio ao final do partido. Julio Delgado móstrase orgulloso do equipo “o Alcantarilla é un equipo que presiona moi ben en primeira liña e custábanos saír de aí, ademais fallamos moitísimas oportunidades moi claras. Pero ben, controlamos o partido, sempre dentro e moi boa motivación do xogadoras pero non demos coa porteria e ao final sufriuse, pero estivo ben”. Sobre a recta final ata o Play-off, “a gañar o próximo na casa e logo o último contra o Poio a xogarse o factor cancha a ver se podemos logralo, é o máis importante”.
Ficha Técnica LBTL Futsal Alcantarilla – Pescados Rubén Burela FS
LBTL Futsal Alcantarilla: Ana Romero (P), Blanca Ibáñez, Miriam Zamora, Marta de los Riscos, Melli – cinco inicial -, Ana Belén (C), Bet, Carla Ayensa, Andrea, Tere, Pao, Iraia Romero, Irene Franco (P)
Pescados Rubén Burela FS: Caridad (P), Dany, Peque (C), Jenny, Irene Samper – cinco inicial- Saki, Antía Pérez, Dasha, Patricia, Jozi Oliveira (P).
Goles: Min.10 Carla Ayensa 1-0; min.10 Irene Samper 1-1; min.21 Dany 1-2; min.25 Carla Ayensa 2-2; min.29 Peque 2-3; min.39 Patricia 2-4.
Equipo Arbitral: Javier Andreo Martínez, Alberto Miñano Martínez, José Antonio González Hernández.
TA: min. 10 Blanca Ibáñez, min.25 Patricia, min.33 Jenny.
TR: min.36 Marta de los Riscos.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
