O candidato á alcaldía, Darío Cabaneiro, trasladou a súa proposta a Fabiola García e Javier Vázquez Nodal durante unha reunión con delegadas sindicais do SAF
A Pastoriza, 15 de maio de 2023. O Partido Popular da Pastoriza, sensibilizado con “ofrecer aos maiores no seu propio concello a atención que merecen”, defende a creación dun centro de día municipal e da xestión directa por parte do Concello do Servizo de Axuda no Fogar que, na actualidade, está externalizado. O candidato á alcaldía, Darío Cabaneiro, trasladou a súa proposta á responsable de Política Social do Goberno galego, Fabiola García, durante unha reunión delegadas sindicais do SAF á que tamén asistiu o secretario xeral do PP lucense e responsable provincial de Política Social, Javier Vázquez Nodal.
O alcaldable popular comprometeuse, no caso de ter o apoio dos veciños e veciñas o vindeiro 28 de maio, a “facer as xestións necesarias para dotar á Pastoriza desta infraestrutura” onde ofrecer atención diúrna especializada ás persoas que o precisen co obxectivo de fomentar a súa autonomía da man do desenvolvemento de actividades e diversas terapias. Isto permitiría “facilitar ás súas familias a conciliación da súa vida laboral coa atención aos seus maiores, sen que teñan que desprazarse a outros concellos limítrofes”.
Así mesmo, recoñecendo o labor das traballadoras do SAF e a súa vinculación cos usuarios aos que prestan atención a diario, Cabaneiro trasladoulles a súa intención de “estudar a forma para que esas mesmas traballadoras os atendan tamén no centro de día”.
Os populares tamén cren necesario reducir a lista de agarda daquelas persoas que solicitan atención e polo tanto comprométense a solicitar á Xunta máis horas de atención nos domicilios; xa que “o goberno local ten na actualidade un total de 29 persoas esperando polo servizo, a pesar de que os seus expedientes xa foron avaliados pola Xunta”. Por outra banda, lembraron que “a Xunta achegou o ano pasado ao Concello, para sufragar o SAF, máis de 406.000 euros”.
GOBERNO UNIDO PARA ATENDER A TÓDOLOS PASTORICENSES
O PP está a traballar para ofrecer á Pastoriza un goberno unido e solvente con capacidade para xestionar as necesidades actuais dos pastoricenses e garantir igualdade de trato a tódolos veciños e veciñas do municipio. Ademais de apostar por “mellorar os servizos nas distintas parroquias contribuíndo ao desenvolvemento do sector gandeiro que é moi importante no noso concello, temos moi presente as necesidades relacionadas coa atención á xente da Pastoriza”.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
