Santiago de Compostela, 24 marzo 2023. A portavoz nacional, Ana Pontón, acompañou ao candidato á Alcaldía de Ribadeo, Pablo Vizoso, nun percorrido polo centro da vila convertida en exemplo do modelo municipal de éxito do BNG, cun urbanismo de calidade e cunha aposta polo tecido económico local, moi en particular cun comercio de proximidade que dinamiza, crea riqueza e emprego e revitaliza socialmente os concellos.
E precisamente apelando a ese modelo, Pontón pediu sumar no BNG o voto de todas as persoas que queren concellos vivos e con dinamismo económico e social, concellos que prosperan, que avanzan, que van a máis desde a confianza no propio e con orgullo.
“En Ribadeo vemos perfectamente en que consiste o modelo municipal do BNG, sinónimo de prestixio, de calidade de vida, de transformación en positivo; un modelo que dinamiza vilas e cidades, no económico, no social, no cultural”, explicou, “por iso quero facer un chamamento á mobilización, á participación e a sumar no BNG o voto de todas as persoas que queren construír os seus concellos en grande”, argumentou a portavoz nacional. O Bloque, dixo, é a opción nas urnas de toda a cidadanía que quere vivir en concellos que avanzan e van a máis.
“En Ribadeo é moi fácil explicar o noso modelo municipal porque é un concello que ten moita calidade de vida e dinamismo, un exemplo da nosa aposta estratéxica de apoio ao comercio local, da capacidade de transformación en positivo”, enumerou, e con ese aval, Pontón fixo un chamamento a coller a papeleta do BNG o 28M para estender ese modelo por toda Galiza.
“Quero chamar ao voto polo BNG ás persoas que queren concellos que realmente xeren dinamismo económico e social, concellos que realmente apoien ao seu comercio local, porque é clave pola súa capacidade para xerar emprego, facer barrio, manter activas vilas e cidades e fixar poboación”, subliñou.
Desde Ribadeo, puxo en valor o traballo feito nun concello convertido en referente na Mariña e en Galiza. “A este concello sentoulle moi ben o BNG”, recalcou, ao tempo que pedía a veciñanza seguir percorrendo xuntos ese camiño de progreso e de futuro da man de Pablo Vizoso, “que coñece moi ben o concello, ten experiencia de xestión, unha das persoas que máis impulsou o Ribadeo dinámico de hoxe; preparada e que lev co concello no corazón.
“Unha aposta segura para que seguir avanzando, progresando e sendo un concello referente”, recalcou, “e por iso estou segura será o próximo alcalde de Ribadeo”.
Previamente, Pontón estivo en Viveiro acompañando á candidata a Alcaldía, Miriam Bermúdez, nun encontro con representantes do tecido económico local. Destacou que o Bloque tamén quere trasladar o seu modelo a ese municipio, e pediu á veciñanza que quere un concello mellor teñen a súa alternativa este 28M na candidatura BNG.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
