Ribadeo, a 23 de xuño de 2023. A Área de Igualdade do Concello de Ribadeo organiza o vindeiro domingo, 25 de xuño, o concerto de Catuxa Salom para celebrar o Día do Orgullo LGTBIQA+.
A edil Begoña Sanjurjo anunciou que “o evento terá lugar o vindeiro 25 de xuño ás 13:30 horas, no Quiosco do Campo de San Francisco, e ofrecerá unha sesión vermú única para todos os asistentes”. Catuxa Salom é unha artista de gran recoñecemento na escena musical, cuxa proposta se centra na fusión de diversos xéneros e estilos, creando unha experiencia musical que atrapa e emociona ao seu público.
A celebración do Día Internacional do Orgullo LGTBI é unha oportunidade para lembrar a loita histórica da comunidade LGTBI pola igualdade de dereitos e polo respecto á diversidade sexual e de xénero. Neste sentido, o Concello de Ribadeo súmase á celebración desta data tan importante, ofrecendo un evento cultural que reflicte o compromiso pola igualdade e a diversidade.
A concelleira de Igualdade convida a participar: “queremos convidar a todas as veciñas e veciños da nosa vila e dos arredores a participar deste concerto e a gozar da música e do ambiente festivo que se xerará nesta ocasión tan especial. Como símbolo de solidariedade, igualdade e respecto cara a todas as persoas, colocamos onte a bandeira LGTBI, no balcón principal do Concello”.
Sanjurjo Santar engadiu: “a instalación do valo publicitario co lema Ribadeo séntese orgullosa da diversidade, a colocación da bandeira LGTBI no balcón do Concello e o concerto de Catuxa Salom son accións que forman parte do noso compromiso colectivo encamiñado a que Ribadeo sexa unha vila onde toda persoa se sinta segura, valorada e orgullosa de ser quen é”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
