Ribadeo, 16 de xuño de 2023. Concluíu o aglomerado na rúa Casa do Pobo. Nos vindeiros días rematará a totalidade desta importante obra, que supuxo un investimento de 100.000 euros.
A concelleira de Obras, Mónica Freire, explicou que “asistirmos estes días ao remate das obras realizadas na rúa Casa do Pobo, que deron comezo hai uns tres meses. Coa execución deste proxecto o Concello de Ribadeo deu un paso definitivo para arranxar este viario que se atopaba en moi mal estado de conservación e que levaba moitos anos precisando dunha mellora”.
A edil ribadense lembrou o intenso traballo técnico realizado para elaborar o proxecto de acondicionamento desta rúa, que agora conta un ancho de 10 metros: “as veciñas e veciños da rúa Casa do Pobo cederon as superficies necesarias para poder chegar a ese ancho de 10 metros que marca o noso plan xeral, e por iso, hoxe é posible disfrutar xa desta rúa moderna, cómoda, que conta con beirarrúas novas e aglomerado en quente.
Instalouse tamén unha nova canalización de saneamento, mellorando a de abastecemento de auga, e soterráronse as liñas de enerxía eléctrica e telefonía. Tamén se colocaron varandas metálicas, nova sinalización horizontal e vertical e iluminación led. Quedan uns pequenos flocos pendentes, que culminarán nos vindeiros días”.
Freire Rancaño engadiu: “pouco a pouco estamos a ver como algunhas das obras proxectadas nos últimos meses polo equipo de goberno están chegando ao seu fin para que a veciñanza poida gozar de todas estas melloras”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
