Os cinco representantes do PP de Burela na corporación local serán Manuel Rouco, Encarnación Bernal, Félix Martins, Ángel González e Susana Fernández
Burela, 16 de xuño de 2023. As candidatas cos números 4 e 5 da lista do PP de Burela ás eleccións municipais, Maite Lanza e Teresa García, continuarán no seu posto de traballo habitual na UAD de Burela. Non recollerán, polo tanto, a acta de concelleiras xa que “o artigo 178.2.b da LOREG recolle a incompatibilidade da condición de concelleiro coa de persoal activo no propio Concello ou nalgunha das entidades que dependen del”.
“Como empregadas municipais na UAD de Burela temos que renunciar ao posto de concelleiras na oposición en favor de continuar no noso posto de traballo”, explican. Aínda así, aclaran que “non nos desvincularemos do Partido Popular e moito menos da colaboración e axuda que poidamos prestar ao noso pobo, Burela”.
Maite Lanza explica que “me embarquei no proxecto do PP de Burela con moita ilusión, compromiso e convicción de realizar o meu traballo dende outra esfera, sempre co obxectivo de mellorar os servizos sociais de Burela e a calidade de vida da súa xente. Aprendín moito durante este tempo da forma de traballar, da implicación, do esforzo e das necesidades de moitas das asociacións do noso pobo, e agradezo o bo trato, a dispoñibilidade e a confianza dos que participaron nas nosas reunións”. Así mesmo, engade que “ofrecín o meu apoio para mellorar o eido social dende a posición que ocupase e así sigo comprometida a facelo, dende a base, dende o meu traballo diario e dende o apoio que poida prestar a quen o precise e aos meus compañeiros do partido para levalo adiante”.
A popular engade que “sabía que tiña que elixir entre a concellería ou o meu traballo por incompatibilidade ao depender ambos da mesma administración e tiña a convicción e o compromiso de facelo durante catro anos dende a posición política. Pero eses poucos votos que faltaron para conseguir a gobernabilidade fanme decantarme priorizando o meu traballo na UAD de Burela para seguir vinculada a unha actividade que me apaixona”.
Lanza quixo dar as “grazas de corazón a todas as persoas que confiaron en min e que sei que entenden que é unha cuestión legal a que non me permite traballar en primeira liña municipal, pero que o seguirei facendo sempre dende a posición na que estea”.
Teresa García, pola súa banda, expresa o seu agradecemento “a todas as persoas que co seu voto e a súa cercanía apoiaron o proxecto de equipo que tamén represento e que, por unha cuestión legal, non podo levar a cabo en primeira persoa”. Aínda así, “quero que saiban que sempre poderán contar co meu apoio no que sexa preciso”.
CONCELLEIROS DO PP EN BURELA
A lista do PP de Burela apoiada por 1.633 veciños e veciñas acadou os cinco representantes na corporación municipal, os mesmos que o PSOE que só superou en catro votos á candidatura popular.
Os candidatos que finalmente recollerán a súa acta de concelleiros no Concello de Burela polo Partido Popular serán Manuel Rouco, Encarnación Bernal, Félix Martins, Ángel González e Susana Fernández.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
