Ribadeo, 19 de xuño de 2023. O Centro Integrado de Formación Profesional Porta da Auga, de Ribadeo, impartirá un curso de especialización, tamén denominado máster de FP, sobre vehículos híbridos e eléctricos. É o único centro da Mariña que ofrecerá esta formación no vindeiro curso 2023-2024.
O director do centro, Isidro Berdeal, destaca: “de cara ao vindeiro curso 2023-2024 no CIFP Porta da Auga imos contar como novidade cun curso de especialización, comunmente denominado máster de FP, concretamente de Mantemento e Seguridade dos Sistemas de Vehículos Híbridos e Eléctricos. É o único curso deste tipo que vai haber na Mariña e ademais a temática é moi nova e actual, como son os vehículos híbridos e eléctricos, e nun sector no que hai demanda de profesionais que se dediquen a reparar, verificar e manter este tipo de vehículos”.
Isidro Berdeal explica que este curso “vaise implantar en horario de tarde, para poder darlle acceso a cursalo a xente que está en activo; vaise impartir de 17 a 21 horas, catro horas diarias. Terá unha duración semellante á dun curso académico normal, rematará entre o mes de maio e o de xuño e inclúe unha parte de formación na empresa. Esperamos que teña boa acollida para todo o alumnado que poida facelo; un dos requisitos é que teñan cursado previamente o Ciclo Superior de Automoción. Confiamos en que contribúa a resolver a necesidade de profesionais para este tipo de vehículos que hai agora mesmo no sector”.
Ademais no vindeiro curso o CIFP Porta da Auga mantén “a mesma oferta de anos anteriores: de ciclos básicos tanto de Servizos Administrativos como de Mantemento de Vehículos; ciclos medios de Xestión Administrativa, Atención a Persoas en Situación de Dependencia e Electromecánica de Vehículos; e ciclos superiores de Administración e Finanzas, Educación Infantil e Automoción. Isto no que respecta a ciclos por ordinario, en horario de 8:30 a 15:00 horas.
Ademais en canto a ciclo para persoas adultas en modalidade a distancia seguimos contando co de Xestión Administrativa; e para persoas adultas en modalidade presencial, ou sexa asistindo ás clases en horario de 17:00 a 23:00 horas, dependendo dos módulos nos que se matriculen, seguiremos tendo o Grado Medio de Obras de Interior, Decoración e Rehabilitación e o Grado Superior de Sistemas Electrotécnicos e Automatizados. Tamén contaremos en modalidade dual co Ciclo Medio de Instalacións Eléctricas e Automáticas, que ten moi boa acollida por parte do sector produtivo e das empresas da comarca, dado que hai gran necesidade de traballadores neste sector, que é o de electricidade e electrónica”, especifica o director do CIFP Porta da Auga.
Isidro Berdeal resalta que o centro manterá tamén “unha formación específica única en Galicia de fabricación e mantemento de embarcacións de fibra, na que se van ofertar 15 prazas, en convenio con Astilleros Gondán”.
O prazo de admisión para oferta formativa do curso 2023-2024 estará aberto desde as 09:00 horas do vindeiro venres, 23 de xuño, ata as 13:00 do 5 de xullo.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
