José Tomé participou este xoves no acto de entrega do Premio PEME do Ano 2023 que recaeu na empresa palense Granxa Campomaior, ademais de recoñecer o labor de catro firmas lucenses en Sostibilidade, Formación e Emprego, Internacionalización e Dixitalización e Innovación
Lugo, 15 de xuño de 2023. O Presidente da Deputación de Lugo, José Tomé Roca, participou este xoves no acto de entrega do Premio PEME do Ano 2023, organizado pola Cámara de Comercio e o Banco Santander, co apoio do Grupo El Progreso. Un recoñecemento que este ano recaeu na empresa Granxa Campomaior dedicada á produción e comercialización de ovos nas innovadoras instalacións coas que a firma conta no concello de Palas de Rei.
Ademáis estes galardóns recoñeceron cun accésit o labor doutras catro PEMES lucenses en diferentes categorías. Deste xeito, no apartado de Formación e Emprego premiouse á empresa tecnolóxica LEGALMIT; en Internacionalización a recoñecida foi para Industrias Plásticas Arias; en Dixitalización e Innovación levouse o galardón Technology Energy Chain XXI, e por último na categoría de PEME Sostible a gañadora foi a vilalbesa Avilugo dedicada a produción de polos ecolóxicos e a quen o Presidente provincial lle fixo entregoa do diploma que recolleu a directora da entidae, Ana Vidal Lozano.
José Tomé felicitou as empresas galardoadas e puxo en valor este certame “por incentivar o labor das nosas pequenas e medianas empresas que conforman a columna vertebral do emprego e son un activo fundamental da economía dos nosos concellos e da nosa provincia”. Os grandes proxectos recoñecidos hoxe nesta cita “demostran a gran capacidade e fortaleza do tecido empresarial co que contamos en Lugo”, subliñou o mandatario provincial.
A empresa gañadora do Premio do ano 2023 de Lugo, a Granxa Campomaior, concorrerá ao Premio Nacional PEME do Ano 2023 que se fallará no primeiro trimestre de 2024. Así mesmo, as empresas gañadoras dos diferentes accésits aspirarán ao Premio Nacional nas súas respectivas categorías.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Conta con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibirán as súas pezas de tornería en madeira. Tamén acolle a XVIII edición da Exposición CONtornos. Entre os participantes, destaca a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Estímase que ata o domingo se acheguen a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
