Foz, 19 de xuño, 2023. O alcalde de Foz Fran Cajoto retomou o traballo no Concello trala investidura, coa prioridade de sacar adiante as convocatorias de emprego pendentes para o reforzo de servizos municipais para a tempada de verán.
O pasado sábado Fran Cajoto foi investido de novo alcalde cos votos a favor do partido socialista, nun día que o BNG emitía unha dura nota. “O partido socialista descolgou o teléfono para sentarse a negociar co BNG un goberno de coalición ou un acordo de goberno en minoría. Mantivemos a segunda xuntanza o xoves 15 segundo a dispoñibilidade na axenda do BNG. Esperábamos reunirnos o venres 16, pero ante a imposibilidade citámolos para continuar falando este pasado domingo”.
O alcalde continúa: “O sábado 16, día da investidura, encontrámonos cunha nota do prensa moi dura do BNG desprestixiándome e tildando ao partido socialista de irrespectuoso e con aires de suficiencia. O feito real é que nos enteramos pola prensa que quedaba anulada a reunión do domingo e que o BNG pasaría á oposición. Non imos calificar en ningún caso ao BNG, pero a situación foi surrealista” e continúa “Sempre e en todo momento optamos polo diálogo e cremos sinceramente que a calma, a empatía a serenidade son as mellores compañeiras para as negociacións, falando enténdese a xente”.
A marea xeral nas horas previas ou na propia investidura foron de tensión na comarca, o que podería ter influído en Foz. Os socialistas defenderon sempre un goberno único, en coalición ou en minoría. “Na reunión co BNG plantexamos o acontecido durante estes catro anos, buscando mellorar dinámicas e favorecer que todo o mundo conte con áreas ben definidas, sen interferencias, todo baixo unha dirección coordinada. O mellor funcionamento dun goberno sempre implicará melloras para un pobo. Pola nosa parte só queda o completo compromiso de traballar con ilusión para continuar mellorando Foz”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
