Convida a votar coa cabeza e o corazón en Galiza elixindo a papeleta do BNG, a única forza que ten os seus centros de decisión no País
Santiago de Compostela, 29 de xuño do 2023. A portavoz nacional, Ana Pontón, asistiu hoxe á presentación das candidaturas do BNG para o Congreso e o Senado pola provincia de Lugo. Estivo acompañada polo portavoz municipal, Rubén Arroxo, e polas persoas que integran as listas, entre as que se atopa Daniel Castro como número un ao Congreso.
“Este 23 de xullo está en xogo que Lugo e que Galiza conten ante o Estado, está en xogo ter unha voz propia que defenda os intereses desta provincia, e está en xogo que se poña sobre a mesa o que precisa Lugo para ter un futuro mellor” declarou a líder nacionalista. “Se hai un lugar que sexa sinónimo de discriminación de todos os gobernos do Estado ese é Lugo. Nós queremos poñer Lugo no mapa, queremos poñer a Lugo no centro da axenda galega e sabemos que este é o momento de facelo” indicou.
“Fronte ás forzas centralistas que fan o que lles ordenan en Madrid, o BNG vai poñer Galiza na axenda do Estado coa forza que nos dean os galegos e as galegas o próximo 23X”, subliñou. Por iso, indicou a necesidade de “contar cun grupo galego forte no Congreso para poder ser determinantes e ter a capacidade de loitar polos nosos intereses” e recalcou que “o BNG sae a por todas, sen límites e co obxectivo claro de ter un grupo galego forte en Madrid”.
“Levamos anos vendo como gobernos do PP e do PSOE teñen a autovía A54 Santiago-Lugo sen rematar. Para eles Galiza pode esperar pero nós dicimos que non. Galiza non pode seguir esperando nin aturando tanta discriminación”, subliñou Pontón, destacando tamén que “o voto do respecto a Galiza é o voto do BNG”. A líder do Bloque puxo sobre a mesa a necesidade que ten Lugo “dun ferrocarril do século XXI, modernizado e electrificado” ou o incumprimento do acordo de investidura na última lexislatura por parte do PSOE ao “non crear o xulgado de violencia de xénero que se acordara para Lugo”.
Pontón lembrou que “nos últimos anos, un só deputado do BNG foi máis útil para Galiza que os 23 restantes ao servizo das forzas estatais”, motivo polo que “o Bloque presenta para este 23X unha candidatura de país, que non ten os seus centros de decisión en Madrid e que representa a Galiza”. “Apostaremos con decisión por poñer a Galiza no centro para que a axenda galega se escoite”, declarou.
Daniel Castro, cabeza de lista ao Congreso pola provincia de Lugo
O candidato por Lugo, Daniel Castro, destacou que “imos a por todas e sen límites, sabendo que en torno ao noso proxecto temos a ilusión de moitos galegos e galegas que van depositar a súa confianza nun partido que podemos asegurar que non lles vai fallar”. Castro cualificou o voto ao BNG como un “win-win”, un voto a través do que “gaña Galiza, gañan os galegos e as galegas e gañamos todos e todas parando a esa combinación letal para o noso País que é o tándem PP-Vox”.
“Se a cidadanía colle a papeleta do Bloque o 23X vai ter un deputado que pelexe pola autovía A74 para a Mariña, que consiga a liberalización do dique norte de Alcoa e que defenda os postos de traballo” indicou o candidato ao Congreso, engadindo que “temos claro que Lugo Sur merece máis, merece recuperar o tren nocturno a Barcelona, merece o Porto Seco e merece impulsar o sector vitivinícola”.
Castro describiu a candidatura como “unha lista que mestura xuventude e experiencia, que representa a toda a provincia, de norte a sur, con xente do sindicalismo, do turismo, da sanidade, do metal, do rural e da cidade, con xente con experiencia no municipal, con xente como Cristina López, Rosana Prieto, Montse Porteiro ou Iago Suárez”, todo cunha aposta que declarou facerlle especial ilusión: a aposta pola mocidade.
O 23X: o momento de facer historia cunha Galiza que conte
Pontón convocou á cidadanía galega a que o 23X acuda ás urnas “coa cabeza e co corazón en Galiza, sumando todo o voto galego, de país, no BNG”. “Xogámonos o presente pero tamén as decisións que van marcas o noso futuro”, afirmou.
A líder nacionalista quixo amosar tamén o seu compromiso con Lugo declarando que “o voto ao BNG vai valer para seguir traballando en temas cruciais no territorio como unha conexión ferroviaria sólida e actual”. “Estamos a falar de necesidades básicas da provincia porque sabemos que as melloras en infraestruturas veñen da man de máis desenvolvemento económico, máis capacidade para atraer novas industrias e máis dinamismo”, indicou, denunciando que “para poder medrar, a Lugo fáltalle unha mellora nas infraestruturas que dependen do Estado”.
Pontón destacou tamén que o Bloque sae este 23X “a por todas, coas pilas cargadas e co ánimo que nos dá ver que, en cada proceso electoral, o BNG é a forza política referente para a xente que quere unha Galiza mellor”. “Estamos cheas de forza e ilusión para galeguizar a campaña porque isto non é un xogo a dous. Reclamamos xustiza e dignidade para os galegos e as galegas.”, concluíu.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
