Os lucenses saben que os corpos e forzas de seguridade colaboran estreitamente entre si para prestar o mellor servizo aos cidadáns. Pero o que non sabía o veciño de Burela que, seguindo a información telefónica facilitada polo Concello, chamou a un dos números que aparecen na placa do parque de calistenia, con intención de falar coa Garda Civil, é que o corpo ao que estaba chamando era á Policía Local, pero non de Burela, senón á de Peal de Becerro, encantador pobo de Jaén, sito na serra de Cazorla. O amable axente que atendeu a chamada, explicou con algún detalle a onde estaba chamando o comunicante lucense, que, sorprendido, tomou nota. Parece un dato anecdótico, pero non o é; reflicte como funciona o goberno municipal de Burela, inmerso na improvisación e no erro.
O parque de calistenia está mal emprazado. Está ao pé do parque infantil, con cal non son poucos os nenos que pasan do seu espazo ao dos adultos co conseguinte risco para a súa seguridade. A maiores, a información que se facilita é incorrecta. Por un lado, porque algúns dos números de teléfono que aparecen non se corresponden co servizo indicado, mediante logos, na liña superior. É o caso da Garda Civil e do teléfono que aparece debaixo do logo da Benemérita, que, como queda anotado, corresponde á Policía Local dun pobo de Jaén.
Ao goberno de Burela parece que todo lle dá igual con tal que falen del, aínda que sexa mal. Xa o dicía o gran Groucho Marx: “Citádeme dicindo que me citaron mal”. Só así se pode entender a decisión de ubicar o parque de calistenia ao pé do parque infantil; e non vexo outra explicación posible ao disparate dos números de teléfono que figuran na placa informativa. A verdade é que a maneira de proceder do bigoberno de Burela da continuidade ao anterior; é máis do mesmo: improvisación continua e sen un proxecto claro e definido.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
