O Festival reunirá grupos e músicos de Galiza, Euskadi, Asturies, Catalunya, País Valenciá, Escocia, Francia, Bretaña, Chile ou Colombia
Lugo, 31 de xullo de 2023. A deputada de Cultura Iria Castro participou este mediodía na presentación XLVI Festival de Pardiñas, que se celebra do 4 ao 6 de agosto en Guitiriz. O programa comeza o venres co certame de Cantos de Taberna polos bares e rúas de Guitiriz e continú sábado e domingo no recinto do Festival, cunha vintena de concertos, obradoiros e espectáculos musicais de grupos e músicos de Galiza, Euskadi, Asturies, Catalunya, País Valenciá, Escocia, Francia, Bretaña, Chile ou Colombia.
No acto, celebrado no Balneario de Guitiriz, Iria Castro parabenizou á Asociación Xermolos pola organización dun festival que é parte das “vivencias da veciñanza de Guitiriz e de moitas e moitos persoas de toda Galiza que ao longo dos anos disfrutamos aquí da música, do baile e do bo ambiente”. “Que todos e todas poidamos desfrutar de Pardiñas non é froito da casualidade, é froito do traballo incansable de Xermolos, un exemplo da boa saúde da que goza o asociacionismo galego”, apuntou.
Nesa liña, o presidente da Asociación Xermolos Alfonso Blanco reivindicou o Festival de Pardiñas como unha festa de familia que implica na organización a toda a veciñanza e lembrou a contribución de Pardiñas á fomento da creación artística con iniciativas como Certame Terra Chá de Creación Infantil e Xuvenil.
Na presentación participaron tamén Xurxo Souto, Richi Casás e a alcaldesa de Guitiriz e deputada provincial Marisol Morandeira, así como integrantes da Asociación Xermolos e edís do goberno local.
A área de Cultura da Vicepresidencia da Deputación de Lugo achega 20.000 euros para a organización do Festival de Pardiñas.
Programa
Venres, 4 de agosto
20.30 horas. IX Certame de Cantos de Taberna polos bares e rúas de Guitiriz coa colaboración da hostalaría
Sábado, 5 de agosto
11.30 horas Apertura XXX Mostra de Instrumentos de Música Tradicional
13.00 horas. Sesión Vermú: Xirolarrúa (Euskadi)
16.00 horas. Aberto de Billarda
17.00 horas. Apertura da XLIV Mostra de Artesanía
Pregón da Mostra de Instrumentos Xaneco Tubío
18.00 horas.Obradoiro de Txalaparta: Juan Mari Beltrán
19.00 horas. XLIV Carreira Popular
19:30 horas. Concerto Pandereteiras Brincadeira (Galiza)
20.20 horas. Bloquinho de Xermolos (Galiza)
21.30 horas. Boroa (Galiza)
23.15 horas. The Poozies (Escocia)
00.30 horas. Guilhem Desk (Francia)
2.15 horas. La Tarrancha (Asturies)
3.45 horas .Rebeliom do Inframundo (Galiza)
Domingo, 6 de agosto
11.30 horas. XLIV Mostra de Artesanía
XXX Mostra de Instrumentos de Música Tradicional
12.00 horas. Obradoiro de Xogos Bailados: Luis Pego
13.00 horas. Concerto Cançons de Festa Major (Catalunya)
14.00 horas Sesión Vermú con La Trocamba Matanusca (País Valenciá)
16.00 horas. Obradoiro de Danzas Bretonas Justine Frelaut (Guerledan-Bretaña)
16.30 horas. Regueifa na Chá
17.00 horas. Obradoiro de Baile Tradicional Galego Montse Rivera
17.15 horas. Espectáculo infantil Cirquack (Colombia)
18.00 horas. Os Carunchos (Galiza)
19.00 horas. Pregón Festival de Pardiñas Sabela Núñez Singala
Entrega de premios do Certame Terra Chá de Creación Infantil e Xuvenil
20.30 horas. Caamaño&Ameixeiras + Caldo (Galiza)
22.000 horas. Xisco Feijóo (Galiza)
23.45 horas. Calle Mambo (Chile)
1.45 horas. La trocamba Matanusca (País Valenciá)
A reorganización dos espazos —stands na Praza do Casino e presentacións no Cine Fantasio— foi clave para o éxito. A concelleira de Cultura, Patricia Rodríguez, destacou a boa acollida e a resposta do público, valorando moi positivamente o novo formato.
Estivo organizada polo Motoclub Os de Sempre, que reuniu este fin de semana a centos de participantes chegados de Galicia, Asturias, León e o Bierzo. O programa incluíu unha ruta nocturna en homenaxe aos moteros falecidos, ademais de momentos de convivencia en comidas e actuacións musicais dos grupos Primera Línea e Malditos Pendejos. Na entrega de trofeos participaron o alcalde de Ortigueira, Valentín Calvín, e a concelleira Isabel Rego.
Destacou o seu valor como punto de encontro e motor económico e cultural da comarca. Arias puxo en valor o labor do Concello por manter eventos de referencia como a Moexmu, esta feira e a próxima Festa da Filloa, que contribúen a promover o sector agrogandeiro e a tradición galega.
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
