Francisco Conde: “O 23 de xullo é unha oportunidade histórica para empezar un novo ciclo, impulsar o cambio, rexeitar os bloqueos e os extremos e que por fin Lugo teña as respostas que precisa”
Ribadeo, 15 de xullo, 2023. O presidente do PPdeG puxo como exemplo a vitoria de Daniel Vega en Ribadeo nas eleccións municipais de cara aos días que restan de campaña: “Foi unha maioría traballada despois de moito tempo atendendo as demandas dos veciños e buscándolles solucións”
Un exemplo que lle serviu para insistir na necesidade de dar a Alberto Núñez Feijóo unha maioría forte “para facer en España o que fixo en Galicia e o que levamos facendo desde a Xunta ao longo deste ano”
“Hai que ser esixentes para reclamar aquelo que nos corresponde, contar cun respaldo amplo para poder obtelo e estar sempre en contacto coa xente”, explicou neste sentido
Aproveitando a súa visita a Ribadeo, Alfonso Rueda referiuse á autovía que conecta Galicia con Asturias para afirmar que esta infraestrutura “ten unha hipoteca asinada por Pedro Sánchez”, citando o compromiso do Goberno de España ante a Unión Europea de facer de pago o uso das autovías
“Por moito que Sánchez o siga negando, ese compromiso está por escrito e supón o mellor reflexo do que nos agarda se continúa na Moncloa: máis mentiras, máis inconsistencia e seguir sen contarlle á xente a verdade”, concluíu animando aos seus a “traballar para dar a Alberto Núñez Feijóo un resultado histórico desde Galicia”
FRANCISCO CONDE: “ESTAMOS ANTE A POSIBILIDADE DE ABRIR UNHA NOVA ETAPA”
O número 1 da lista da provincia de Lugo ao Congreso insistiu na “oportunidade histórica” que se presenta o 23 de xullo “para empezar un novo ciclo, impulsar o cambio, rexeitar os bloqueos e os extremos e que por fin España, Galicia e Lugo teñan as respostas que precisan”
Francisco Conde referiuse nomeadamente ás demandas en materia de infraestruturas, a industrias como Alcoa ou Altri e a sectores fundamentais na economía da provincia – e en especial da Mariña – como é a pesca
“Quédanos unha semana para seguir trasladando as respostas que ofrece Alberto Núñez Feijóo a estas demandas e seguir traballando para que a xente entenda que estamos ante a posibilidade de abrir unha nova etapa”
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
