“Se cometen estes erros en trámites tan sinxelos, que nos espera con temas de maior relevancia para os veciños”, se preguntan dende o Grupo Municipal Popular
Burela, 15 de xullo de 2023. O Grupo Municipal Popular de Burela advirte que “os concelleiros do PSOE tratan de constituírse como grupo municipal a pesar de presentar a documentación fóra de prazo e, polo tanto, vulnerando a lei”. Isto demostra, para os populares, “unha falta de rigor e preocupación por parte do principal partido do bipartito” e, polo tanto, amosan a súa preocupación “polo que nos espera deste mandato con temas serios para os veciños e veciñas de Burela se cometen estes fallos en trámite tan sinxelos”.
Atendendo ao Regulamento de Organización, Funcionamento e Réxime Xurídico das Entidades Locais; hai un prazo de 5 días despois de ser constituída a Corporación local para constituírse como grupo municipal; pero os socialistas tardaron 20. Polo tanto, “deberan integrarse no grupo mixto, algo lamentable para calquera grupo que lidere un goberno local”, apuntan.
Esta situación que “nunca pasara na historia do noso Concello” podía ser só anecdótica, senón fora porque “a alcaldesa tratou de colar o asunto no pasado pleno de organización ao non aportar a tódolos concelleiros a debida documentación”. De feito, este foi o motivo polo que quedou enriba da mesa este punto e que obrigou a convocar este novo pleno extraordinario.
Os populares cren que o goberno bipartito “debería ser o primeiro en dar exemplo cumprindo a lei” e consideran que este é “un mal comezo de mandato. Esta sería a terceira vez que a señora López Moreno trata, presuntamente, de vulnerar a regulamentación establecida dende que é alcaldesa”: ao non permitir ao Grupo Municipal Popular ocupar o lugar que lle corresponde no salón de plenos segundo o regulamento, por non aportar a documentación necesaria sobre un punto da orde do día do pleno de organización e, agora, intentando que os concelleiros do PSOE se integren no grupo municipal socialista, a pesar de non cumprir os prazos establecidos por lei”.
O PP de Burela lamenta tamén que “o tenente de alcalde, do BNG, non fixera ningunha valoración sobre o asunto, pero si se dedicara a atacar á oposición con asuntos que nada teñen que ver con Burela”.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
