Nunha semana, do 10 ao 16 de xullo, percorrerán 700 quilómetros e pasarán por tres das catro provincias galegas (Lugo, A Coruña e Pontevedra)
A Coruña, 11 de xullo, 2023. É a segunda xornada dunha das principais actividades turísticas no mundo do caravaning en España: o VII Roteiro Camiño de Santiago de Yakart.
A comitiva formada por 58 caravanas percorreu a costa galega, sumando 140 quilómetros ao
roteiro. En total desde o luns completáronse 266 km en dúas etapas (Lugo-Reinante, 126 km; e Reinante-Valdoviño, 140 km).
Os participantes puideron gozar dun precioso roteiro por puntos senlleiros da Mariña
Lucense como Xove, Burela ou Viveiro. Un día máis o tempo acompañou e o día estivo
marcado por ceos azuis. A chegada a Valdoviño está prevista para as 13:30 da tarde, xa que o tráfico foi cargado en zonas como Viveiro, debido ao aumento de actividade no municipio dada a época estival na que nos atopamos.
Polo demais, foi un roteiro tranquilo e sen incidencias. Pola tarde espérase unha
xornada veraniega en Valdoviño. Polo que se poderá gozar ao máximo das súas fermosas
praias. Tamén haberá oportunidade para descubrir a zona da lagoa da Frouxeira, Faro
Punta Frouxeira, os Túneles Militares ou o Banco de Meirás. Terminado o día farase noite
nas inmediacións da cafetería Clandestino, alí haberá un baile para todos os
participantes do roteiro.
Mañá mércores 12 de xullo iniciarase a terceira etapa do roteiro Valdoviño-A Coruña. Será un percorrido curto de 70 quilómetros. Aos que hai que sumar os 266 percorridos o
luns e o martes.
Etapas da roteiro
● Luns 10 de xullo. (Lugo-Reinante: 126 km). Partida desde o centro Yakart Autocaravanas situado en Lugo. Roteiro pola costa lucense con parada en Ribadeo e na Praia das Catedrais.
● Martes 11 de xullo (Reinante-Praia de Valdoviño: 140 km). Viaxe na estrada ata a costa de Ferrolterra. Parada na praia de Valdoviño con grandes vistas.
● Mércores 12 de xullo (Valdoviño- A Coruña: 70 km). Chegada á Coruña. Haberá unha visita ao Museo de Automoción de Clásicos de Automoción da Coruña. Farase noite no propio aparcadoiro da Torre de Hércules.
● Xoves 13 de xullo (A Coruña-Mondariz: 210 km). Roteiro pola costa galega ata o Balneario de Mondariz, en Pontevedra. Tras un día de relaxación cunha sesión de spa, celebrarase unha cea moi especial con baile incluído no asombroso Salón Real do Balneario.
● Venres 14 de xullo (Mondariz-Cambados: 92km). Visita a Cambados para gozar da gastronomía galega cunha visita incluída polas bateas do Grove, ademais dunha mariscada e baile no propio barco.
● Sábado 15 e Domingo 16 (Cambados- Santiago de Compostela: 66km).Chegada a Santiago de Compostela e fin de semana visitando a cidade.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
Este venres visitaron Ferrol e As Pontes, e o sábado serán os actos institucionais de benvida no concello de Ribadeo. Pola mañá será inaugurada unha placa conmemorativa da visita, e despois a recepción oficial na Casa do Concello.
Villares detallou algunhas destas accións no encontro empresarial organizado en Vilalba pola organización profesional BNI LOU VCR Breogán, un grupo de networking integrado por unha trintena de empresarios e profesionais da provincia. Entre outras, referiuse ás axudas para favorecer o establecemento dos traballadores autónomos ou para o fomento da contratación; os plans do Igape para a expansión e innovación do tecido produtivo, ou as iniciativas de formación. “Apoiar as empresas, as pemes e aos autónomos é apoiar o futuro do territorio”, afirmou.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
