Aberto o prazo para a presentación de ofertas para a adecuación do ximnasio municipal e a dotación de espazos no pavillón ata o 14 de setembro
Barreiros, 28 de agosto de 2023. A alcaldesa de Barreiros, Ana Ermida, e o concelleiro de dinamización, Dani García, visitaron as obras que se están a executar no pavillón municipal, onde xa está finalizada a renovación da cuberta por parte da empresa adxudicataria, Coto Estudios y Construcciones, SL.
Nestas obras, que suporán un investimento de 113.377 euros financiados ao abeiro dun convenio coa área de deportes da Deputación que dirixe Efrén Castro, contémplase a renovación da cuberta do pavillón e a apertura dunha saída lateral de emerxencia, da que carecía a instalación.
Dani García explicou que “se priorizou este investimento, xa que o estado da cuberta era moi deficiente e xeraba problemas de goteiras e filtracións que teñen repercutido nas actividades que se desenvolvían no pavillón.“ Deste xeito, o goberno municipal continúa cos proxectos de mellora das instalacións deportivas, xunto coa renovación da pista de pádel que se atopa en execución.
A adecuación e dotación do ximnasio, seguinte obxectivo
Nunha seguinte actuación que xa se atopa administrativamente en marcha, adecuarase o ximnasio municipal para o seu uso e dotarase ao pavillón de novos servizos – como unha sala de enfermería da que carece- para poder proceder á utilización das instalacións con plena seguridade.
Estas obras, atópanse actualmente en licitación, estando aberto o prazo de presentación de ofertas ata o 14 de setembro. O importe das mesmas ascende a un total de 142.697,39 euros, financiados con 50.000 euros de axuda da Dirección Xeral de Deportes da Xunta e o resto con cargo a un convenio coa área de Deportes da Deputación.
Co fin de dotar ao ximnasio de novo material, tamén se vén de adquirir maquinaria deportiva por importe de 13.664,95 euros, ao abeiro dunha axuda da Dirección Xeral de Deportes de 10.000 euros, asumindo o restante o Concello.
A alcaldesa manifestou a satisfacción do goberno por “continuar sacando adiante os proxectos que temos en mente e que requiren de tempo e esforzo de investimento e na busca de finanzamento, debido á delicada situación económica municipal e á cantidade inxente de investimentos que temos que afrontar mesmo para manter servizos básicos”.
Ana Ermida puxo en valor a “capacidade de priorizar os investimentos en base ás necesidades reais da poboación, o que debe facer calquera goberno serio que equilibre os servizos coa capacidade real do municipio, sen poñer en risco a súa viabilidade.” Neste sentido, a rexedora asegurou que o seu goberno “continúa traballando arreo para tecer lazos con todas as administracións que permitan seguir avanzando na mellora de Barreiros e atendendo tanto o día a día como a posta en marcha de máis e mellores servizos”.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
