Viveiro, 10 de Agosto de 2023. Na tempada 23/24, dous equipos xuvenís conformarán as categorías inferiores do Viveiro CF, equipos que seguirán baixo a xestión directa duns pais colaboradores da entidade, que son os que se encargan do día a día en coordinación co Presidente, Luís do Río.
Equipo Xuvenil Liga Galega
Adestrador: Fran Caínzos Palmeiro, exxogador de fútbol que chegou a militar na tempada 98/99 no Celta de Vigo en Primeira División. Ademais, xogou en 2ª dúas tempadas no Ourense (96/97 e 97/98), outras dúas no Salamanca (99/00 e 01/02, unha no Tenerife (00/01); ademais xogou dúas tempadas no Compostela, unha en 2ª (02/03) e outra en 2ªB (03/04). En 2ªB tamén militou varias tempadas no Celta Turista (92/93 e 93/94) no Racing de Ferrol (94/95 e 95/96) e no Ourense (04/05 e 05/06)
Equipo Xuvenil Liga Provincial
Adestrador: Bruno Gómez Gómez, quen xa foi segundo adestrador nos equipos xuvenil e cadete do Viveiro CF nas tempadas (14/15 e 15/16); Posteriormente pasou á VDE Xove Lago onde estivo de segundo adestrador do Senior (16/17), primeiro adestrador do equipo xuvenil (17/18 e 18/19) e finalmente primeiro adestrador en 1ª autonómica do equipo senior (19/20, 20/21 e 21/22). Posúe a titulación UEFA Prol.
Adestrador de porteiros
Ayoub Atib, Porteiro do Viveiro CF por segunda tempada consecutiva, que xa se incorporou ao corpo técnico das categorías inferiores a mediados da tempada pasada, dando mostras dunha gran soltura e talento para transmitir os seus coñecementos aos novos porteiros da canteira.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
