A institución provincial inviste preto de 150.000€ nos traballos, que afectan a tres treitos da LU-P-1706. Unha vez acometida a limpeza de cunetas e drenaxe, esta semana paviméntase a calzada para rematar coa sinalización horizontal
Lugo, 19 de setembro de 2023. A Deputación de Lugo iniciou este martes as obras para a renovación do firme da estrada LU-P-1706, que une Feira do Monte, en Cospeito, e Castro Riberas de Lea, cun investimento de 150.000€.
Os traballos, iniciados en agosto, afectan a tres treitos diferentes: do punto quilométrico 2,450 ao 2,750; do 5,200 ao 6,500; e do 7,300 ao 8,600-. Unha vez acometida a limpeza de cunetas e drenaxe, esta semana lévase a cabo a pavimentación da calzada para rematar coa sinalización horizontal mediante o pintado de marcas reflexivas brancas.
A empresa adxudicataria é Ovisa Pavimentos y Obras SLU e o prazo de execución é de dous meses.
Esta vía, a LU-P-1706, é moi importante para a veciñanza de Castro de Rei e de Cospeito, pero tamén da comarca, porque se trata da comunicación máis directa entre ambos concellos, e ademais dá servizo a explotacións gandeiras. Estes traballos mellorarán as condicións de seguridade e comodidade para os usuarios e usuarias da vía e evitará un maior gasto de conservación grazas a este novo pavimento.
A Deputación de Lugo dedica este ano 18,3M€ á mellora das estradas provinciais, un orzamento que aumentou nun 30% dende o 2019, cando se destinaban 14,2M€. Na comarca da Chaira, o investimento nas estradas da provincia durante estes anos superou os 6,32M€.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
