Rosana Pérez incide na necesidade de que o persoal facultativo do Sergas e das mutuas teñan ferramentas para identificar e tratar como tal este tipo de doenzas
Santiago de Compostela, 19 de setembro, 2023. A deputada do BNG Rosana Pérez logrou hoxe na Comisión de Pesca do Parlamento o apoio unánime dos grupos a unha proposición non de lei para reclamar ao Goberno do Estado que “na maior brevidade posíbel” saque adiante o Catálogo de Enfermidades Profesionais das e dos traballadores do mar, tal e como se contempla na Lei de Pesca Sostible. “Despois deste impasse lexislativo no que estamos, é importante que o catálogo non quede durmindo nun caixón”, asegurou.
Un catálogo que, segundo explicou, é fundamental para a identificación e o correcto tratamento médico destas doenzas, que afectan especialmente ás mariscadoras e redeiras. Neste sentido, a iniciativa aprobada reclama tamén a colaboración e coordinación das consellería do Mar, Sanidade e de Promoción do Emprego e Igualdade para trasladar ao persoal facultativo do Sergas e das mutuas de traballo a relación das enfermidades que están recoñecidas como profesionais no sector do mar e a “máxima importancia” de tratalas como tales.
O terceiro punto da proposición aprobada demanda á Xunta a posta en marcha dunha campaña de información entre as traballadoras e os traballadores do mar respecto ás enfermidades recoñecidas no sector e os beneficios que supón a súa identificación.
Na defensa da iniciativa, Rosana Pérez subliñou que existen enfermidades moi recorrentes no sector que aínda continúan sen serlle recoñecidas como propias do seu traballo e das condicións deste, como a artrose, a artrite, dores de costas, trastornos músculo-esqueléticos na columna ou infeccións de urina, entre outros. “As asociacións de mulleres do mar calculan que o 90 % das enfermidades profesionais deste colectivo son catalogadas como comúns, cando o 80 % son derivadas do seu traballo”, apuntou.
Salientou, ademais, que o catálogo traerá aspectos “moi positivos” para avanzar na profesionalización e na dignificación das condicións sociolaborais do sector do mar, especialmente no marisqueiro, ao que se dedican en Galiza preto de 4.000 persoas, a gran maioría mulleres.
De aí a importancia de ter dado no Parlamento galego “un pasiño máis” para mellorar as condicións nun sector especialmente avellentado -o 65 % teñen máis de 40 aos e o 32 % entre 50 e 60- e no que a “discriminación da muller é clara e manifesta”, dixo Rosana Pérez.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
