Ribadeo, 18 de setembro de 2023. Acisa e Concello de Ribadeo mantiveron unha xuntanza no Pazo de Ibáñez na que analizaron, entre outros temas, as vindeiras campañas e actividades nas que están a traballar e que se desenvolverán en Ribadeo ata finais de ano.
No encontro participaron por parte do Concello o alcalde, Dani Vega, e as concelleiras de Comercio e Cultura, Marta Saiz e Begoña Sanjurjo, e por parte de Acisa a presidenta, Carmen Cruzado, a tesoureira, Manoli Torviso, e o xerente, Jesús Pérez.
Un dos asuntos abordados foi a necesidade de ampliar a rede de telefonía móbil no municipio “debido a que no verán coa chegada de milleiros de turistas á nosa vila o servizo queda escaso. Varias asociadas e asociados puxéronse en contacto con nós para facernos chegar as dificultades que isto lles ocasionou en momentos puntuais en xullo e agosto para poder, por exemplo, cobrar con tarxeta”, explican desde a directiva de Acisa. E indican que “o turismo en Ribadeo vai a máis e debemos estar preparados para a vindeira Semana Santa e sobre todo para o verán, co fin de ofrecerlles os mellores servizos ás nosas empresas, á nosa veciñanza e tamén ás persoas que nos visitan”.
Desde Acisa tamén inciden na necesidade “de mellorar a cobertura de telefonía móbil dalgunhas compañías, que está a ocasionar problemas en varias zonas de Ribadeo”.
Na xuntanza tamén se deu traslado ao Concello das queixas dos socios sobre a presenza de excrementos e ouriños das mascotas nas rúas: “consideramos necesario concienciar á veciñanza para mellorar todo isto e ofrecer a mellor imaxe posible de Ribadeo. A limpeza é cousa de todas e de todos nos”.
Acisa e Concello seguirán a colaborar conxuntamente para dinamizar a economía local coas campañas e iniciativas que se desenvolverán ata finais de ano e que culminarán co Nadal.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
