Substituirase o actual medio filtrante, baseado en area silícea, por un de arxila expandida, que permitirá un aproveitamento de recursos superior
Foz, 5 de setembro, 2023, Gestagua e o Concello de Foz acordaron a adquisición dun novo medio filtrante co fin de mellorar a resposta da Estación de Tratamento de Auga Potable (ETAP) do municipio ante os efectos máis inmediatos do Cambio Climático, que inclúen tanto episodios de seca como de precipitacións intensas, circunstancias que implican unha maior afluencia de materia orgánica á planta e que, previsiblemente, continuarán nun futuro inmediato.
Trátase dun medio a base de arxila expandida que, ademais dunha maior durabilidade, achega numerosas vantaxes respecto ao actual, baseado en area silícea, facilitando a mellora na calidade da auga, así como un notable aforro enerxético e de auga consumida no proceso de potabilización.
A decisión de investir en substituír o medio filtrante xorde da detección de valores de trihalometanos (THMs) por encima do valor paramétrico (100 µg/l) ocorrida no presente verán. Desde Gestagua púxose en marcha, como medida de urxencia, o cambio do reactivo empregado na preoxidación para minimizar a presenza de cloro na potabilización da auga. O outro compoñente indispensable para a proliferación de THMs é a materia orgánica que, en combinación co cloro, xera os compostos organoclorados precursores dos THMs.
Mentres se dosificaba o novo oxidante, os técnicos a pé de campo e da central de Gestagua puxeron en marcha un estudo para determinar tanto a orixe da materia orgánica presente na auga como as medidas que debían implantarse para capacitar a actual ETAP para responder con fiabilidade #ante estes episodios.
Desde Gestagua, o xefe de servizo en Foz, Ramón Hermando Fernández, detalla as vantaxes do novo medio filtrante que se aplicará na ETAP da localidade:
. Maior eficiencia de filtración. Mellora na calidade da auga tratada debida a unha eliminación de sólidos en suspensión responsables da turbidez, metais en disolución e materia orgánica particulada superior á actual.
. Maior velocidade de filtrado, aumentando a capacidade volumétrica de tratamento do sistema actual.
. Ciclos de filtrado máis longos, o que supón un aforro de enerxía e de auga no lavado de filtros.
. Menor caudal de aire e de auga de lavado. A menor densidade do medio filtrante require dun menor caudal de aire e de auga para a limpeza de filtros, engadindo así un aforro adicional de auga e enerxía.
A substitución do medio filtrante implicará tamén unha adecuación dos equipos electromecánicos responsables da limpeza, así como modificacións na entrada de auga aos filtros. Planéase realizar un investimento de preto de 48.000 € para a adquisición do medio filtrante, ademais de contemplarse unha partida alzada ao redor de 5.000 € para a adecuación de equipos electromecánicos e medios auxiliares para as operacións de substitución.
Gestagua, Xestión e Técnicas da auga, S.A., opera o ciclo integral da auga en toda España desde 1986. Na actualidade, o grupo conta con máis de 190.000 km de redes e 1850 Estacións de Tratamento de Auga Potable (ETAP), grazas aos cales xestiona 690 millóns de m3 de auga tratada ao ano.
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
