Ribadeo, 1 de setembro de 2023. Máis de 40.000 persoas pasaron polas oficinas de turismo do Concello de Ribadeo durante os meses de xullo e agosto, acadando cifras de récord, segundo subliñou hoxe a edil Marta Saiz.
A concelleira de Turismo manifestou: “rematado o mes de agosto desde a Concellería de Turismo hónranos dicir que a oficina do centro da vila acadou cifras récord. Esta oficina abriu durante todos os días en horario de mañá e de tarde e ofreceu información a máis de 11.000 persoas, o que supuxo un incremento de máis de 1.600 consultas con respecto ao ano anterior. O punto de información turística da praia das Catedrais rexistrou máis de 15.600 consultas e as entradas para ver ese areal esgotáronse practicamente todos os días do mes”.
Marta Saiz contou que “segundo os datos rexistrados nestas oficinas, segue a tendencia á alza das persoas que pernoitan en Ribadeo. Despois de facer unha sondaxe entre os establecementos hoteleiros do concello, a ocupación neste mes de agosto acadou o 98%, tres puntos por riba con respecto ao ano pasado. Un 30% do total dos visitantes que recibimos durmiron en Ribadeo”.
No tocante ao turismo de procedencia estatal, Madrid segue a ser o principal emisor, representando o 27,21% na oficina do centro da vila xunto con Andalucía que pasa a segunda posición con 11,22%, seguido de Cataluña 11,20%, Euskadi 7,95% e C. Valenciana (7,59%). Produciuse unha pequena variación na orde de posición con respecto ao Punto de Información da Praia de as Catedrais sendo por orde de procedencia Madrid a primeira (31,66%) seguido de Cataluña (18,09%), Andalucía (13,13%) e C. Valenciana (8,32%).
A edil ribadense subliñou “o número de viaxeiros que nos chegan por mar e empregan os 21 amarres de tránsito dos que dispón o Real Club Náutico de Ribadeo. En agosto utilizaron estas prazas un total de 180 embarcacións, dos que un 80% proceden de Francia, Inglaterra e Holanda, mostrando deste xeito ese atractivo e calidade do porto ribadense. E sen lugar a dúbidas o Camiño de Santiago do Norte segue a ter tirón, foron moitos os peregrinos que pasaron polos albergues públicos e privados, segundo as informacións proporcionadas foron moitas as xornadas do mes de agosto nas que colgaron o cartel de completo”.
Saiz indicou: “destes datos concluímos que o Monumento Natural Praia de As Catedrais, o Camiño Norte de Santiago e o porto deportivo fannos cada día máis internacionais. Os encantos naturais e culturais de Ribadeo, xunto cunha ampla oferta de visitas guiadas, visitas teatralizadas, xeorutas, actividades culturais e deportivas programadas para todos os públicos, dinamizaron Ribadeo un ano máis, converténdoo de novo nun dos referentes turísticos da costa de Galicia”.
A concelleira de Turismo agradeceu “o traballo do persoal das oficinas de turismo, así como ao sector privado polo esforzo que leva realizando todos estes meses, entre todos e todas contribuímos a acadar un destino turístico de vangarda”.
O cambio resulta necesario porque a instalación das atraccións impide o paso dos camións de recollida por estes puntos. O contedor situado na Travesía Granxas trasladarase á avenida de Vilalba, mentres que o instalado na rúa Antonio Roca pasará á rúa Suasbarras. Ademais, o Concello reforzará a dotación de contedores no Campo da Festa e no Campo da Pascua, onde se colocarán máis unidades para atender o incremento de residuos previsto durante a celebración. Desde o Concello agradécese a comprensión á veciñanza polos cambios realizados e lémbrase a importancia de depositar os residuos nos contedores situados nas novas localizacións, co fin de facilitar o correcto funcionamento do servizo de recollida.
O alumnado de 2º curso das familias profesionais de Instalacións e Mantemento, Imaxe Persoal e Administración e Xestión remataron o curso e a súa formación en centros de traballo co que xa conseguiron a súa titulación como técnicos de grao medio ou grao superior para incorporarse ao mercado laboral. Desde o IES Perdouro, destácase o alto grao de empregabilidade destas ensinanzas e a importancia que para o ámbito laboral ten a incorporación destes profesionais, ao mesmo que lles trasladamos os parabéns pola súa recente titulación.
O festival terá lugar os próximos 1, 2, 3 e 4 de xullo na parroquia de Celeiro do concello costeiro, que volverá acoller este popular evento cultural centrado na música punk, metal e hardcore.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
